عمان – عربیستان هاوا ساحه‌سی اسرائیله آچیلدی
اسرائیل هاوا یولو شیرکتی "ال آل"ین اوزاق دوغویا ائتدیگی بیر سفر اوچون سعودی عربیستان و عمانین هاوا ساحه‌سینی قوللاندیغی ایفاده ائدیلدی
عمان – سعودی عربیستان هاوا ساحه‌سی ایلک دفعه، اسرائیللی بیر مولکی هاواچیلیق شیرکتی طرفیندن ایستیفاده ائدیلدی.
اسرائیل خاریجی ایشلر باخانلیغینین سوسیال مئدیاداکی "عربجه اسرائیل" حسابیندان ائدیله‌ن پایلاشیمدا، اسرائیل هاوا یولو شیرکتی "ال آل"ین اوزاق دوغویا ائتدیگی بیر سفر اوچون سعودی عربیستان و عمانین هاوا ساحه‌سینی قوللاندیغی ایفاده ائدیلدی.
آچیقلامادا، ایلک دفعه گئرچکلشن بو اوچوشون، مسقط یؤنه‌تیمینین گئچه‌ن هفته هاوا ساحه‌سینی اسرائیل مولکی هاواچیلیغینا آچاجاغینی بیلدیرمه‌سینین آردیندان مومکون اولدوغو قید ائدیلدی.
یئنی مسیرین، تایلندین باشکندی بانکوکا ائدیله‌جک بیر اوچوشون مدتینی ایکی ساعت یاریم قیسالتدیغینا دقت چکیلدی.
اسرائیل خاریجی ایشلر باخانی الی کوهن، ۲۳فوریه‌ده وئردیگی آچیقلامادا، عمانین هاوا ساحه‌سینی آچما قرارینی سئوینجله قارشیلامیش،
"آسیایا یولو قیسالداجاق، اسرائیل وطنداشلارینین خرجلرینی دۆشوره‌جک و اسرائیل هاوا یولو شیرکتلرینین داها رقابتچی اولماسینی تامین ائد‌جک بیر آددیم آتیلدی" ایفاده‌سینی ایشلتمیشدی.
سعودی عربیستانین آردیندان عمانین دا هاوا ساحه‌سینی اسرائیللی شیرکتلره آچماسییلا اسرائیل‌دن آسیایا ایستیقامتلی سفرلرده، زامانین ۲ ساعات‌دان داها چوخ قیسالاجاغی، بلیت قیمتلرینین ده دۆشه‌جگی قید ائدیلمیشدی.
