افغانیستان-دا میلیونا یاخین اوشاق کسکین قیدا چاتیشمازلیغی ایله اوز-اوزه‌دیر

دونیا ساغلیق تشکیلاتی (اوست) 875 مین افغانیستان‌لی اوشاغین کسکین قیدا چاتیشمازلیغی ایله اوزلشدیگینی آچیقلاییب.

دونیا ساغلیق تشکیلاتی‌نین افغانیستانلا باغلی اؤز توییتر حسابیندا بیلدیریب: "افغانیستان-دا 125 مینی موختلیف فسادلار اولان 875 مین اوشاق آغیر کسکین قیدا چاتیشمازلیغی ایله قارشی-قارشییا‌دیر. 2،3 میلیون‌دان چوخ اوشاق اورتا درجه‌ده کسکین قیدا چاتیشمازلیغی‌نین قوربانی‌دیر. 840 مین هامیله و یا سود وئرن آنا کسکین قیدا چاتیشمازلیغیندان اذیت چکیر.

کسکین قیدا چاتیشمازلیغی ایله موباریزه مقصدیله بو هفته موختلیف ویلایت‌لرده پرستار تعلیم‌لری داوام ائتدیریلیر".

قئید ائدک کی، 2022-جی ایلده افغانیستان-دا طالبان حاکمیته گلدیک‌دن سونرا درینلشن اقتصادی بحران سببیندن اؤلکه داخیلینده اینسانی بحران دا کسکینلشیب. بیرلشمیش میللت‌لر تشکیلاتی‌نین (بمت) معلومات‌لارینا گؤره، اکثریتی اوشاق‌لار اولان افغانیستان اها‌لیسی‌نین اوچده ایکی‌سینه برابر اولان 28 میلیون اینسانین عاجیل اینسانی یاردیما احتیاجی وار. عینیله، قیدا چاتیشمازلیغی، قیزیلجا و پولیومیئلیت کیمی بیر چوخ خسته‌لیک‌لر اؤلکه‌نین آپاریجی پروبلئم‌لریندن‌دیر.