سوریه‌ده زلزله ان آز ۱۳۵۶ جان آلدی

زلزله سوریه‌نین ادلب، حلب، حماه، لاذقیه، طرطوس و رقه بؤلگه‌لرینده ده گوجلو حس اولوندو

1942799
سوریه‌ده زلزله ان آز ۱۳۵۶ جان آلدی

مرکزی، قهرمان ماراش اولان ۷،۷ و ۷،۶ بؤیوکلوگونده‌کی زلزله‌لرده سوریه‌نین موختلیف بؤلگه‌لرینده ان آز ۱۳۵۶ نفر حیاتینی ایتیردی، ۳۴۱۹دان چوخ اینسان ایسه یارالاندی.

زلزله سوریه‌نین ادلب، حلب، حماه، لاذقیه، طرطوس و رقه بؤلگه‌لرینده ده گوجلو حس اولوندو.

زلزله نتیجه‌سینده بو بؤلگه‌لرده بؤیوک ییخینتیلار باش وئردی.

اسد رژیمینین خبر آژانسی سانانین خبرینه گؤره، حلب، حماه، لاذقیه و طرطوس‌دا رژیمین کنترلوندا اولان بؤلگه‌لرده ۶۵۶ نفر حیاتینی ایتیردی، ۱۴۱۹ نفر ایسه یارالاندی.

سوریه‌نین قوزئیینده موخالیفلرین کنترلوندا اولان بؤلگه‌لرده چوخ ساییدا بینا ییخیلدی و یا خسارت آلدی.

سوریه‌ اینسان حاقلاری شبکه‌سی، مولکی مدافعه (آغ دبیلقه‌لیلر)، یئرلی مسئوللار، ساغلیق قورولوشلاری و یئرلی قایناقلاردان توپلانان معلوماتا گؤره، سوریه‌نین ادلب و فرات قالخانی و زیتون بوداغی عملیاتی بؤلگه‌لرینده ان آز ۷۰۰ نفر اؤلدو، ۲۰۰۰دن چوخ اینسان یارالاندی.

بؤلگه‌ده آختارما-قورتارما ایشلری داوام ائدیر.



ایلگیلی‌لی خبرلر