رزنیکوو متفیق‌لرین اوکراینا اوردوسونا سلاح یاردیمی مسئله‌سینی قیمتلندیریب

اوکراینانینساوونما ناظیری الکسی رزنیکوو متفیق‌لرین اونلارا وئرجگی سلاح‌لارلا روسیا تورپاق‌لارینا هوجوم ائتمه‌یه‌جک‌لرینی بیان ائدیب.

ناظیر اولکسی رزنیکوو پایتاخت کیئوده کئچیریلن اوکراینا-آوروپا بیرلیگی کمیسیونونون ایجلاسیندا متفیق‌لرین اوکراینا اوردوسونا سلاح یاردیمی مسئله‌سینی قیمتلندیریب.

اولکسی رزنیکوو پاتریوت ، SAMP-T سیستم‌لری ایله یاناشی یئنی IRIS-T ve  و NASAMS تداروکونون ان قیسا زاماندا باشا چات‌دیرماق ایسته دیک‌لرینی بیلدیریب.

اوکراینانین روسیا اراضی‌سینه اوزاق منزیل‌لی راکت‌لرله هوجوم ائتمه‌یه‌جگی باره‌ده ضمانت وئرمه‌یه حاضیر اولدوغونو بیلدیرن اولکسی رزنیکوو دئییب:"اگر 300 کیلومتر فاصله‌دن ضربه ائندیرمک ایمکانی الده ائتسک، روسیا اوردوسو ساوونما تشکیل ائده بیلمه‌یه‌جک و گئری چکیلمه‌لی اولا‌جاق. اوکراینا سیزین سلاح‌لارینیزین روسیا اراضی‌سینه هوجوم‌لاردا ایستیفاده اولونمایاجاغینا هر جور ضمانت وئرمه‌یه حاضیردیر. موقتی اولا‌راق ایشغال اولونموش اراضی‌لرده کیفایت قدر هدف وار. هدف سئچیمینی طرفداش‌لاریمیزلا معین ائتمه‌یه حاضیریق".