مسجیده ائدیلن سالدیریدا اؤلنلرین ساییسی آرتدی

پاکیستانین پیشاور شهرینده، ۳۰ ژانویه‌ده بیر مسجیده تشکیل ائدیلن انتیحار سالدیریسی نتیجه‌سینده اؤلنلرین ساییسی ۱۰۲ نفره چیخدی.

اؤلکه مطبوعاتیندا یئر آلان خبره گؤره، یارالی اولاراق خسته‌خانایا چاتدیریلان ۲ نفرین داها اؤلومو ایله اؤلنلرین ساییسی ۱۰۲ نفره یوکسلدی.

خیبر پختونخوا پلیس رئیسی معظم جاه انصاری، سالدیریدان سونرا باشلادیلان سوروشدورما چرچیوه‌سینده وئردیگی آچیقلامادا، سالدیرقانین مسجیده پلیس گئیمی ایله گیردیگینی و بئله‌لیکله ده بیر چوخ گۆونلیک نقطه‌سیندن گئچدیگینی بیلدیردی.

انصاری، سالدیرقانین موتورسیکلتله بؤلگه‌یه گلدیینی ایفاده ائد‌رک، ماسک ​​و کاسک تاخدیغینی بونونلا دا کیملیگینی گیزلتدیگینی ایفاده ائتدی.

ایلکین سوروشدورما و تکنیک دلیللره دایاناراق سالدیرقانین پاکیستان طالبانین‌دان قوپان جماعة الحرار طرفیندن حیاتا گئچیریلمیش اولابیله‌جگینی ایفاده ائد‌ن انصاری، جماعة الاحرار، پاکیستان طالبانی و دوشمن بیر استخبارات هؤرگوتونون بو سالدیریونین آرخاسیندا اولدوغونو سؤیله‌دی.

انصاری، استخبارات  هؤرگوتونون آدی و یا باغلی اولدوغو اؤلکه‌یه دایر بیلگی وئرمه‌دی.