"ایرانداکی سالدیرینی اسرائیل گئرچکلشدیردی"
ایرانین خاریجی ایشلر باخانی حسین امیرعبداللهیان، سالدیرینی «قورخاقجا» آدلاندیراراق، «بئله حرکتلر، متخصصلریمیزین باریشچیل نۆوه ایرلیله‌مه قونوسونداکی عزم و نیتینه تأثیر ائده‌بیلمز» آچیقلاماسینی وئردی
وال ایستریت ژوورنال قزئتی ایرانین ساوونما تاسیسینه اینسانسیز هاوا آراجی ایله تشکیل ائدیلن سالدیرینی اسرائیلین حیاتا گئچیردیگینی یازدی
قزئتین آمریکا بیرلشمیش درولتلری مسئوللارا دایاندیردیغی خبرینه گؤره، اسرائیل، ایرانین اصفهان شهرین‌ده ایران اوزای آراشدیرمالار مرکزینه عاید بیر تاسیسین یانین‌داکی مهمات فابریکاسینی اینسانسیز هاوا آراجلاری ایله هدف آلدی.
ایرانلی مسئوللار ایسه هاوا ساوونما سیستملرینین مهمات فابریکاسینی هدف آلان «سالدیری گیریشیمینی» سوووشدوردوغونو، ۲ اینسانسیز هاوا آراجینین امحاء ائدیلدیگینی بیرینین ایسه ودۆشورولدوگونو آچیقلادی.
ایران طرفی، اینسانسیز هاوا آراجلارینین پاتلاماسی نتیجه‌سینده فابریکانین دامیندا جزئی داغینتی میدانا گلدیگینی قید ائتدی. اصفهان والیلیگی پاتلامانی دوغرولارکن، جان ایتکیسی اولمادیغینی آچیقلامیشدی.
ایرانین خاریجی ایشلر باخانی حسین امیرعبداللهیان، سالدیرینی «قورخاقجا» آدلاندیراراق، «بئله حرکتلر، متخصصلریمیزین باریشچیل نۆوه ایرلیله‌مه قونوسونداکی عزم و نیتینه تأثیر ائده‌بیلمز» آچیقلاماسینی وئردی.
ایران مجلیسی اصفهان میللت وکیلی حسین میرزایی، دونن آخشام ساعاتلارین‌دا اصفهان شهرینین اۆستونده گؤرولن اینسانسیز هاوا آراجلارینین اسرائیله عاید اولدوغونو ادعا ائتمیشدی.
دیگر طرف‌دن، سؤزوگئد‌ن سالدیرینین، ۲۰۰۹دان ۲۰۲۱-جی ایلینه قدر ایرانا قارشی عملیاتلارا سیلسیله‌سینه ایجازه وئره‌ن اسرائیل باشباخانی بنیامین نتانیاهونون دئرلیگینده‌کی یئنی آشیری ساغ کوالیسیون حکومتی آلتیندا حیاتا گئچیریله‌ن ایلک سالدیریدیر.
آیریجا، آمریکانین خارجی ایشلر باخانی آنتونی بلینکنین ایران و دیگر بؤلگه‌سل مسئله‌لر حاقیندا آمریکا-اسرائیل دانیشیقلارینی داوام ائتدیرمک اوچون بو گون اسرائیله گئتمه‌سی پلانلاشدیریلیر.
ایلگیلی‌لی خبرلر
تاخیل دهلیزیندن داشینان تاخیلین میقداری 25 میلیون تونو اؤتوب
تاخیل دهلیزی واسیطه‌سیله ایله داشینان تاخیلین میقداری 25 میلیون تونو اؤتوب.
افغانیستاندا اوخولا سالدیری
سالدیریدا ایکی اؤیرنجینین حیاتینی ایتیردیگی، ۴ اؤیرنجینین یارالاندیغی بیلدیریلدی
