آمریکادان پ‌کاکایا حربی دستک

آمریکا بیرلشمیش دؤولتلری اوردوسو سوریه‌ده بؤلوجو ترور هؤرگوتو پ‌کاکا/ی‌پ‌گ‌نین ایشغالی آلتیندا اولان حسکه ویلایتینده‌کی حربی منطقه‌لره ۷۰ آراجدان اولوشان حربی و لجستیک تقویه کاروانی گؤندردی.

آمریکا بیرلشمیش دؤولتلری قوه‌لرینه عاید تقویه‌لر دونن عراق و سوریه‌ آراسین‌داکی الولید سرحد قاپیسیندان حسکه‌یه گیردی.

حسکه چؤلون‌ده پ‌کاکا/ی‌پ‌گ‌نین ایشغالی آلتین‌دا اولان شدادی قصبه‌سین‌ده‌کی آمریکا بیرلشمیش دؤولتلری قوه‌لرینه عاید حربی منطقه‌لره چاتان ۷۰ آراجدان اولوشان کاروانا هاوادان هلیکوپترلر مشایعت ائتدی.

کاروان‌دا ۳ زره‌لی آراج، ۸ یاناجاق تانکری، ۲ مین تمیزله‌مه ماشینی، بؤیوک میقداردا مهمات و بتون قالیبلاریلا دولو تریلی و پیکاپ تی‌لی ماشینلار یئر آلدی.

آمریکا بیرلشمیش دؤولتلری اوردوسو ۶، ۸ و ۲۲ ژانویه‌ تاریخلرینده ده حسکه اطرافیندا پ‌کاکا/ی‌پ‌گ‌نین ایشغالی آلتینداکی رومیلان، شدادی و تل بیدر یاشاییش منطقه‌لرین‌ده‌کی حربی بؤلگه‌‌لره تقویه گؤندرمیشدی.

آمریکا بیرلشمیش دؤولتلری ۲۰۱۹-جو ایلین اکتیر آییندا تورکیه‌نین «باریش بولاغی» عملیاتینین باشلاماسی ایله عملیات بؤلگه‌سینده‌کی مرکزلرینی بوشالدارکه‌ن، نفت یاتاقلاری اطرافین‌دا یئرلشمه‌یه اوستونلوک وئرمیشدی.

پ‌کاکا/ی‌پ‌گ‌یه دستگینی داوام ائتدیره‌ن آمریکا بیرلشمیش دؤولتلری گوجلری، حاضردا سوریه‌ده حسکه، رقه و دیر الزور ولایتلرینده هؤرگوتون ایشغال ائتدیگی بؤلگه‌لرده‌ چوخ ساییدا مرکز و حربی منطقه‌ده وارلیق گؤستریر.