افغانیستان‌دا سویوق هاوالار جان آلماغا داوام ائدیر
منفی هاوا شرایطی سببی ایله دوناراق اؤلنلرین ساییسی ۱۵۷ نفره یوکسلدی
افغانیستان‌دا سون ایکی هفته‌ده آرتان منفی هاوا شرایطی سببی ایله دوناراق اؤلنلرین ساییسی ۱۵۷ نفره یوکسلدی.
اؤلکه‌ده هاوا سویوقلوغو گئجه ساعاتلارین‌دا باشکند کابل‌دا صیفیرین آلتیندا ۱۰ درجه‌یه، بعضی بؤلگه‌لرده ایسه صیفیرین آلتیندا ۳۰ درجه‌یه دۆشدو.
طالبان گئچیجی حکومتینین طبیعی بلالاردان مسئول دؤولت باخانلیغی سؤزچوسو شفیع‌الله رحیمی، اؤلکه‌ده ۱۵۷ نفرین دوناراق یاشامینی ایتیردیگینی بیلدیره‌رک، ایتکیلرین ان چوخ غور، بدخشان، پکتیکا و پکتیا ولایتلرینده اولدوغونو ایفاده ائتدی.
رحیمی، ۷۵ میندن چوخ بؤیوک باش حیوانین دا منفی هاوا شرایطی سببی ایله اؤلدوگونو بیلدیردی.
افغانیستان هاوا قورومو، بو قیش هاوانین گئچه‌ن ایله نیسبتاً ایکی قات داها سویوق اولدوغونو و ان شدتلی سویوغون غور ویلایتین‌ده اولدوغونو قید ائتدی.
ایلگیلی‌لی خبرلر
پسکوو، تورکیه - روسیا طبیعی گاز مرکزی لاییحه سیندن دانیشیب
روسیا و تورکیه طبیعی گاز قووشاغی لاییحه‌سی اوزرینده ایشلری داوام ائتدیریر.
