امیرعبداللهیان: آوروپا اوچون باهایا باشا گله‌جک
ایرانین خاریجی ایشلر باخانی امیرعبداللهیان اؤزبکیستانین باشکندی داشکندده گئچیریله‌ن اقتصادی امکداشلیق تشکیلاتی باخانلار شوراسینین ۲۶-جی توپلانتیسیندا دانیشدی
ایرانین خاریجی ایشلر باخانی حسین امیرعبداللهیان، آوروپا پارلمانیندا قبول ائدیله‌ن و سپاه اوردوسونون «ترور» لیستینه سالینماسینی طلب ائدن قانون لایحه‌سینین «آوروپا اوچون باهایا باشا گله‌جگینی» سؤیله‌دی.
ایران دؤولت تلویزیونونون معلوماتینا گؤره، امیرعبداللهیان اؤزبکیستانین باشکندی داشکندده گئچیریله‌ن اقتصادی امکداشلیق تشکیلاتی باخانلار شوراسینین ۲۶-جی توپلانتیسیندا دانیشدی.
آوروپا پارلمانیندا قبول ائدیله‌ن و سپاه اوردوسونون "ترور" لیستینه سالینماسینی طلب ائدن قانون لایحه‌سینه تپکی گؤسترن امیرعبداللهیان،
"شوبهه‌سیز، آوروپایا بو جور دویغوسال حرکتلرین نتیجه‌لری باهایا باشا گله‌جک. اونا گؤره ده دوغرو یول، دیپلوماسی، یاپیچی ائتکیله‌شیم و عاغیلچیلیغا متمرکز اولماقدیر" دئدی.
ایلگیلی‌لی خبرلر
ابراهیم رئیسی ولادیمیر پوتین ایله تلفن دانیشیغی آپاریب
کرملیندن وئریلن معلوماتا گؤره، پوتین ایران طرفینین طلبی ایله رئیسی ایله تلفن دانیشیغی آپاریب.
