ایران‌دا اۆچ قادین ژورنالیست گؤزآلتینا آلیندی
قادین ژورنالیستلر ملیکا هاشمی، سعیده شفیعی و مهرنوش زارعینین تهرانداکی اوین حبس‌خاناسیندا توتولدوغو بیلدیریلدی
ایران‌دا قادین ژورنالیستلر ملیکا هاشمی، سعیده شفیعی و مهرنوش زارعینین گؤزآلتینا آلیندیغی بیلدیریلدی.
جماران خبر سایتینین معلوماتینا گؤره، قزئتچیلر بیرلیگی، ۳ قادین ژورنالیستین باشکند تهران‌دا گؤزآلتینا آلیندیغینی آچیقلادی.
ملیکا هاشمی، سعیده شفیعی و مهرنوش زارعینین تهرانداکی اوین حبس‌خاناسیندا توتولدوغو بیلدیریلدی.
شفیعینین رژیم علیهینه تبلیغات آپارماق و میللی گۆونلیگی تهدید ائتمکله سوچلاندیغی قید ائدیلیرکن، اوبیری ژورنالیستلره قارشی ایر‌لی سوروله‌ن اتهاملارلا باغلی بیلگی وئریلمه‌دی.
ایران اینسان حاقلاری فعاللاری خبر آژانسینین معلوماتینا گؤره، اؤلکه‌ده سپتامبر آییندا باشلایان گؤستریلردن بو یانا ۷۹ ژورنالیست گؤزآلتینا آلیندی.
تهران‌دا، بیر قادینین اخلاق پلیسی طرفین‌دن باش اؤزتوسو قانونونا اویمادیغی اوچون گؤزآلتینا آلیندیقدان سونرا اؤلمه‌سی ایله اؤلکه‌ده اعتراضلار باشلامیشدی.
تهران یؤنه‌تیمی داوام ائد‌ن اعتراضلاردا گوونلیک گوجلری ده داخیل اولماقلا ۳۰۰دن چوخ اینسانین حیاتینی ایتیردیگینی آچیقلامیشدی.
نروژ مرکزلی ایران اینسان حاقلاری تشکیلاتی، گوونلیک گوجلرینین کوچه گؤستریلرینه موداخیله‌سی نتیجه‌سینده ۴۸۱ گؤستریچینین اؤلدوگونو بیلدیرمیشدی.
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
