روسیا-بلاروس حربی اوچوش تعلیمی باشلادی

بلاروس ساوونما ناظیرلیگی روسیا ایله بیرگه حربی اوچوش تعلیمی‌نین باشلادیغینی اعلان ائدیب.

1933441
روسیا-بلاروس حربی اوچوش تعلیمی باشلادی

بلاروس ساوونما ناظیرلیگی روسیا ایله بیرگه حربی اوچوش تعلیمی‌نین باشلادیغینی اعلان ائدیب.

ناظیرلیگین مطبوعات خیدمتیندن وئریلن معلوماتا گؤره، 16 ژانویه‌ده بلاروس سلاح‌لی قوه‌لری و روسیا سلاح‌لی قوه‌لری‌نین بیرگه بولگه‌سل گوج هاواجیلیک بؤلمه‌لری‌نین بیرگه تاکتیکی-اوچوش تلیمی باشلاییب.

روسیا طرفیندن حربی مانورا هاوا و اوزای قوه‌لریندن بیر بیرلشمه قاتیلیب.

تعلیمین اساس مقصدی دؤیوش حاضیرلیغی تاپشیریغی‌نین بیرگه ایجراسیندا عملیات اویغون‌لوغونو تامین ائتمک‌دیر.

هاوادان کشفیات، سرحد بویو هاوا مکانیندا مشترک گشت، قوشون‌لارا هاوا دستکی، تاکتیکی هاوا ائندیرمه قوشون‌لاری‌نین کؤچورولمه‌سی، ایتکی‌لرین تخلیه‌سی و یوک‌لرین چاتدیریلماسی مانورلری یئرینه یئتیریلیر.

خاطیرلاداق کی، روسیا پرزیدنتی ولادیمیر پوتین و بلاروس پرزیدنتی آلکساندر لوکاشنکو 2022-جی ایلین اوکتبر آییندا روسیا-بلاروس بیرلیگی سرحدلرینده گرگینلیگین آرتماسی سببیندن ایکی اؤلکه‌نین حربی بیرلشمه‌لریندن عبارت بیرگه بولگه‌سل قوه یاراتماق قرارینا گلمیشدی‌لر.

بلاروس ساوونما ناظیرلیگی ژانویه‌نین 6-دا روسیا-بلاروس مشترک بولگه‌سل قوه‌سی‌نین ساوونما میسیونونا حاضیر اولدوغونو آچیقلادی و گله‌جکده موختلیف بیرلشمه سویه‌لرینده بیرگه حربی بیرلشمه‌لرین تکمیللشدیریلمه‌سی اوزره ایشلرین داوام ائتدیریله‌جگینی بیلدیردی.

روسیا-بلاروس حربی تعلیمی فوریه‌نین 1-دک داوام ائده‌جک.



ایلگیلی‌لی خبرلر