پوتین و رئیسی سوریه مسئلهسینی دانیشدی
پوتین و رئیسینین دانیشیغیندا، ایکیلی امکداشلیغین داها دا گلیشدیریلمهسینه وورغو ائدیلرک، گۆنجل قونولارین اله آلیندیغی بیلدیریلدی
روسیا دؤولت باشقانی ولادیمیر پوتین، ایران جمهورباشقانی ابراهیم رئیسی ایله سوریه مسئلهسینی موذاکیره ائتدی.
دؤولت باشقانلیغی سارایی کرملیندن وئریلهن آچیقلامادا، پوتین و رئیسینین تلفن دانیشیغیندا، ایکیلی امکداشلیغین داها دا گلیشدیریلمهسینه وورغو ائدیلرک، گۆنجل قونولارین اله آلیندیغی بیلدیریلدی.
اؤزللیکله انرژی، نقلیات و لجستیک ساحهلرینده قارشیلیقلی فایدا تامین ائدن پروژهلرین توتارلی بیر شکیلده حیاتا کئچیریلمهسینین طلب ائدیلدیگی قید ائدیلن آچیقلامادا، "اولوسلارآراسی مسئلهلر موذاکیره ائدیلرکهن، هر ایکی طرف ده سوریه مسئلهسینده کلید رول اوینایان آستانا پروسهسی چرچیوهسینده قورولان یاخین ایشبیرلیگینی مثبت دگرلندیردی. سوریهدهکی وضعیتی نورماللاشدیرماق و تورپاق بوتؤولویونو یئنیدن تامین ائتمک اوچون امکداشلیغی داوام ائتدیرمه نیتی بیلدیریلدی" ایفادهسی ایشلهدیلدی.