اوکراینا سالدیریسیندا اؤلن روس عسگری ساییسی آرتدی
"بتون آرمه بینالارین ییخینتیلاریندا ائدیلن آراشدیرمالاردا معالاسف حیاتینی ایتیرهن یولداشلاریمیزین ساییسی ۸۹ نفره یوکسلدی"
روسیا ساوونما باخانلیغی اوکراینا اوردوسونون موشک سالدیریلاری نتیجهسینده ماکیئیفکا یاخینلیغیندا اؤلن روس عسگرلرینین ساییسینین ۶۳دن ۸۹ نفره یوکسلدیگینی آچیقلادی.
باخانلیقدان وئریلهن آچیقلامادا، اوکراینا سلاحلی قوهلرینین ۱- ژانویهده موسکوا واختی ایله ساعات ۰۰:۰۱ده دونتسک بؤلگهسینده ماکیئیفکا قصبهسی یاخینلیغیندا روسیا سلاحلی گوجلرینین گئچیجی مؤوضعلریندن بیرینه سالدیری تشکیل ائتدیگی خاطیرلاتیلدی.
آمریکا اۆرهتیمی اولان هیمارس یایلیم آتیش سیستمیندن آتیلان ۶ موشکدن ایکیسنین روسیا هاوا ساوونما سیستملری طرفیندن وورولدوغو خاطیرلاتیلان آچیقلامادا، ۴ موشکین ایسه روسیا حربچیلرینین یئرلشدیگی بینانی ووردوغو بیلدیریلدی.
آچیقلامادا،
"بتون آرمه بینالارین ییخینتیلاریندا ائدیلن آراشدیرمالاردا معالاسف حیاتینی ایتیرهن یولداشلاریمیزین ساییسی ۸۹ نفره یوکسلدی. اؤلنلر آراسیندا آلای باشچی یاردیمچیسی یاربای باچورین ده وار" ایفادهلری ایشلهدیلدی.
اوکراینا اوردوسونون ماکیئیفکایا آتیش ائتدیگی یایلیم آتیش قورغوسونون قارشی سالدیریدا وورولدوغو ابیلدیریلن آچیقلامادا، حادثه ایله باغلی سوروشدورما کمیسیونونون چالیشدیغی ایفاده ائدیلدی.
حادثهنین اساس سببینین قاداغاین ائدیلمهسینه باخمایاراق جیب تلفونلارینین کوتلوی شکیلده ایستیفاده ائدیلمهسی اولدوغونا دقت چکهن آچیقلامادا،
"بو عامل، دوشمهنین بیر موشک سالدیریسی تشکیل ائتمک اوچون حربی پرسنلین یئرلشدیگی یئرین مختصاتینی معین ائتمهسینه و تاپیلماسینا ایمکان وئردی. گلهجکده بونا بنزر فجیع حادثهلرین تکرارلانماماسی اوچون لازیم اولان تدبیرلر گؤرولور. آراشدیرمالار نتیجهسینده سوچلو مسئوللار اوعدالت ارنونه چیخاریلاجاقلار" دگرلندیرمهسینه یئر وئریلدی.
اوکراینا سلاحلی قوهلرینین استراتژیک ارتباط ایدارهسیندن وئریلهن آچیقلامادا، ماکیئیفکا شهرینده حربی مرکز کیمی ایستیفاده ائدیلهن یئره ائدیلن سالدیری نتیجهسینده تخمیناً ۴۰۰ روس عسگرینین اؤلدورولدوگو ادعا ائدیلمیشدی.