اوکراینا: محاربه اؤلکهنین آلت یاپیسینا 700 میلیارد دولار زیان ووروب
پایتاخت کیئوده ایلین ایلک ناظیرلر شوراسینین ایجلاسینین آچیلیشیندا دانیشان شمیگال روسیا ایله اوکراینا آراسیندا داوام ائدن محاربنی قیمتلندیریب.
اوکراینانین باش ناظیری دنیس شمیگال روسیانین باشلاتدیغی محاربهنین اؤلکهسینین آلت یاپیسینا ووردوغو ضیانین مبلغینین 700 میلیارد دولاری کئچدیگینی آچیقلاییب.
پایتاخت کیئوده ایلین ایلک ناظیرلر شوراسینین ایجلاسینین آچیلیشیندا دانیشان شمیگال روسیا ایله اوکراینا آراسیندا داوام ائدن محاربنی قیمتلندیریب.
شمیگال قئید ائدیب کی، فوریهنین 24-ده باشلایان محاربهنین اوکراینا آلت یاپیسینا ووردوغو ضیانین دگری یای دؤورو ایله موقاییسهده خیلی آرتیب.
ژوئن آییندا آپاریلان حسابلامالارا گؤره، محاربه سببیندن اوکراینا آلت یاپیسینا 350 میلیارد دولار زیان دیدیگینی بیلدیرن شمیقال دئییب:
" آلت یاپیمیزا ائدیلن سون هوجوملاری نظره آلساق، حاضیردا بو مبلغ 700 میلیارد دولاری اؤتور".
باش ناظیر شمیگال محاربهنین اطراف موحیطه ووردوغو ضیانین تخمینن 35،3 میلیارد دولار اولدوغونو دا بیلدیریب.
