ایراندا هاوا چیرکلیلیگی ساغلیقسیز سویهده
تهرانین هاوا چیرکلیلیگی اندکسینین اورتالاما ۱۶۵ دولاییندا اولدوغو و بونون بوتون قروپلار اوچون "ساغلیقسیز" اولدوغو بیلدیریلدی
ایرانین باشکندی تهران ایله البرز، اصفهان و قزوین ایالتلرینین بعضی بؤلگهلرینده هاوانین چیرکلیلیگی سببی ایله تحصیل بو گون و یارین آنلاین داوام ائدجک.
تهران والیلیگیندن وئریلهن آچیقلامادا، باشکندین هاوا چیرکلیلیگی اندکسینین اورتالاما ۱۶۵ دولاییندا اولدوغو و بونون بوتون قروپلار اوچون "ساغلیقسیز" اولدوغو بیلدیریلدی.
بونا گؤره، ساغلیق باخانلیغینین تکلیفی و هاوا چیرکلیلیگی عاجیل دوروم چالیشما قروپونون تصدیقی ایله ایالتده حامیله قادینلار، ۶ یاشیندان کیچیک و یا ایبتیدای صینیف اؤیرنجیسی اوشاغی اولان آنالار، ۵۰ یاشدان یوخاری، اورک، آغجییر و تنفس سیستمی خستهلیکلری اولانلار، ایله دیابت، روماتیزم، یوکسک تضییق و سرطان خستهلری بو گون و یارین اوزاقدان ایشلهیهجک.
تهران والی یاردیمچیسی عابد ملکی، بوتون دؤولت قوروملاریندان بو قرارا اویغون حرکت ائتمهیی طلب ائدرک، بونا عمل ائتمهیهنلرین عدلی اورگانلارا گؤندریلهجگی اویاریسی ائتدی.
ملکی آیریجا، ایالتین دماوند و فیروزکوه شهرلریندن باشقا شهرلرده اوخوللارین باغلی اولاجاغینی و تحصیلین یارینا قدر بوتون سویهلرده اوزاقدان داوام ائدهجگینی بیلدیردی.
البرز، اصفهان و قزوین ایالتلرینین بیر چوخ بؤلگهسینده اونیوئرسیتهلر ده داخیل اولماقلا تحصیلین آنلاین اولاراق داوام ائدهجگی قید ائدیلدی.