کوزوو-دا یئنی تهلوکه‌سیزلیک تدبیرلری گؤرولوب

کوزوو پولیس ایداره‌سی سون گون‌لر گرگینلیگین آرتدیغی اؤلکه‌نین قوزیی ینده یئنی پولیس نظارت منطقه‌لری‌نین یارادیلدیغینی بیلدیریب.

1922553
کوزوو-دا یئنی تهلوکه‌سیزلیک تدبیرلری گؤرولوب

کوزوو پولیس ایداره‌سی سون گون‌لر گرگینلیگین آرتدیغی اؤلکه‌نین قوزیی ینده یئنی پولیس نظارت منطقه‌لری‌نین یارادیلدیغینی بیلدیریب.

کوزوو پولیس یندن وئریلن یازی‌لی آچیقلامادا اؤلکه‌نین شیمالیندا یاشایان وطنداش‌لارا قارشی تهدیدلرین آرتماسی ایله علاقه‌دار "شهرلرده و شهرلراراسی یول‌لاردا آکتیو وظیفه‌لرله یاناشی اتومبیل نظارت منطقه‌لری یارادیلدیغی" قئید ائدیلیب.

آچیقلامادا جینایت حادثه‌لری‌نین آیدینلاشدیریلماسی اوچون ایجتیمایت امکداشلیغا دعوت ائدیلیب و دئییلیب:

"سون بیر نئچه گون عرضینده مطبوعاتدا بعضی صرب وطنداش‌لاری‌نین کوزوو جمهوریتی‌نین شیمالیندا جینایتکار تشکیلات‌لارین عضو‌لری طرفیندن اوغورلاندیغی، دؤیولدوگو و پیس رفتار ائدیلدیگی باره‌ده معلومات‌لار و خبرلر یئر آلیب. کوزوو پولیسی بو معلوماتی جدی قبول ائدیر و آیدین‌لاش‌دیرماق اوچون ضروری سوروشدورما-عملیات تدبیرلری حیاتا کئچیریرلر".

آوروپا بیرلیگی‌نین کوزووداکی نوماینده‌سی سفیر توماس سونیوگ کوزوونون شیمالینداکی گرگین‌لیکله باغلی ناراحات‌لیغینی ایفاده ائده‌رک، گرگین‌لیگی آزالتماق اوچون ایده‌آل حل یولونون باریش یولو ایله باریکات لارین آرا‌دان قالدیریلماسی اولدوغونو بیلدیریب.

صربیستان-ین باش ناظیری آنا برنابیچ ایسه دئییب کی، پریشتینانین بیرطرف‌لی آددیم‌لاری سببیندن موناقیشه عرفه سیندییک".

خاطیرلاداق کی، کئچمیش صرب پولیسی دژان پانتیچین ساخلانیلماسیندان سونرا کوزوو ایله صربیستان آراسیندا گرگین‌لیک آرتیب.

دژان پانتیچین ساخلانماسینا رئاکسیا وئرن کوزوو صرب‌لری دسامبرین 10-دان یارینجه و برنجاک سرحد کئچید منطقه‌لرینده قوردوق‌لاری باریکات لاردا کئشیک چکیرلر.

صربیستان 2008-جی ایلده بیرطرف‌لی قایدادا موستقیل‌لیگینی اعلان ائدن کوزوونو اؤز اراضی‌سی حساب ائدیر.

واختاشیری قارشیدورما یاشایان صربیستان و کوزوو، 2011-جی ایلده آوروپا بیرلیگی آرابولوجولوغو ایله باشلادیلان بلگراد- پریشتینا دیالوق سوره جی چرچیوه‌سینده علاقه‌لرین نورماللاشماسی و نتیجه‌ده ایکی اؤلکه‌نین بیر-بیرینی تانیماسی اوچون اورتاق یول تاپماغا چالیشیر.



ایلگیلی‌لی خبرلر