ایسراییل عسگرلری‌نین آچدیغی آتش نتیجه‌سینده 3 فیلیسطین‌لی هلاک اولوب
فیلیسطین-ین ایشغال آلتینداکی اوردون چایی‌نین باتی ساحلینده‌کی جنین شهرینده ایسراییل عسگرلری‌نین آچدیغی آتش نتیجه‌سینده 3 فیلیسطین‌لی هلاک اولوب.
فیلیسطین-ین ایشغال آلتینداکی اوردون چایی‌نین باتی ساحلینده‌کی جنین شهرینده ایسراییل عسگرلری‌نین آچدیغی آتش نتیجه‌سینده 3 فیلیسطین‌لی هلاک اولوب.
فیلیسطین ساغلیق ناظیرلیگیندن وئریلن یازی‌لی آچیقلامادا بو گون سحر ایسراییل ایشغالچی قوه‌لری‌نین جنین بؤلگه‌سینه هوجومو زامانی 3 نفرین اؤلدوگو قئید ائدیلیب.
آچیقلامادا حیاتینی ایتیرن‌لرله باغلی اطراف‌لی معلومات وئریلمه‌ییب.
بؤلگه‌ده‌کی شاهیدلرین سؤزلرینه گؤره، جنین شهرینه باسقین ائدن ایسراییل قوه‌لری ایله اونلارا اعتراض ائدن اونلارلا فیلیسطین‌لی آراسیندا توققوشما باش وئریب. ایسراییل عسگرلری‌نین فیلیسطین‌لی‌لره مخصوص اتومبیل لری آتشه توتماسی نتیجه‌سینده چوخ سایدا اینسان یارالانیب.
دیگر طرف‌دن، ایسلامی جیهاد حرکاتی‌نین حربی قانادی قدس سری لری جنین قاچقین دوشرگه‌سی اطرافیندا ایشغالچی قوه‌لره سلاحلا مقاومت گؤستردیک‌لرینی و بعضی‌لرینی یارالادیق‌لارینی آچیقلاییب.
ایسرایل اوردوسون‌دان وئریلن یازی‌لی آچیقلامادا ایسراییل عسگرلری‌نین اوردون چایی‌نین باتی ساحلینده‌کی جنین، رام الله، نابلس و الخلیل شهرلرینده سیلسیله باسقین‌لار تشکیل ائتدیگی بیلدیریلیب.
باسقین لار زامانی "ترور و تهلوکه‌سیزلیکله علاقه‌لی جینایت‌لرله باغلی" 15 شوبهه‌لی ساخلانیلیب.
ایسراییل اوردوسونون بیاناتیندا جنین-ده‌کی باسقیندا اؤلدورولن 3 فیلیسطین‌لی ایله باغلی معلومات یئر آلماییب.
بو ایلین اولیندن دئمک اولار کی، هر گون اوردون چایی‌نین باتی ساحلینده باسقین تشکیل ائدن ایسراییل قوه‌لری بو باسقین‌لاردا تئز-تئز سیویل فیلیسطین‌لیلری هدفه آلیر.
بیرلشمیش میللت‌لر تشکیلاتی‌نین (بمت) آچیقلادیغی معلومات‌لارا گؤره، 2005-جی ایلده بمت-نین بؤلگه‌ده قئیدلر آپارماغا باشلاماسیندان بو یانا 2022-جی ایل "اوردون ساحلی‌نین باتی ساحلینده ان قان‌لی ایل" اولا‌راق قئیده آلینیب.
بونا گؤره، 29 نوامبر 2022-جی ایله قدر 153-و اوردون چایی‌نین باتی ساحلینده و 52-سی قضادا اولماقلا 205 فیلیسطین‌لی اؤلدورولوب. بو اؤلوم‌لرین 47-سی اوشاق‌لاردیر.
بمت قئید ائدیب کی، بو اؤلوم‌لر "اکثر حال‌لاردا ایسراییل تهلوکه‌سیزلیک قوه‌لری‌نین غیری-متناسیب و اؤلومجول گوج تطبیقی کیمی گؤرونن سبب‌لردن" اولوب.
