رئیسی: اعتراضلارا قولاق آسماق لازیمدیر

"اعتراض مثبت، عصیان ییخیجیدیر. اعتراضلارا قولاق آسماق لازیمدیر"

1915955
رئیسی: اعتراضلارا قولاق آسماق لازیمدیر

ایران جمهورباشقانی ابراهیم رئیسی، اؤلکه یؤنه‌تیمینه قارشی اعتراضلارا قولاق وئریلمه‌سی لازیم‌د اولدوغونو بیلدیردی.

ایرانین رسمی خبر آژانسی ایرنایا گؤره، اونیوئرسیته اؤیرنجی گونو موناسیبتی ایله تهران اونیوئرسیته‌سین‌ده گئچیریله‌ن پروگراما قاتیلان رئیسی، بورادا اؤیرنجیلره دانیشدی.

تخمیناً ۳ آیدیر اؤلکه‌ده داوام ائد‌ن گؤستریلر‌ده ایران لیدئری علی خامنه‌ای‌ علیهه‌ینه سسلندیریلن "دیکتاتورا اؤلوم" شعارلارینا تپکی وئره‌ن رئیسی،

"بو گون دیکتاتور دئییرلر، دیکتاتور کیمدیر؟ آمریکا موطلق گوجلو بیر ایران ایستمز. اونلار، ایشغال ائتدیکلری افغانیستان، سوریه و لیبی کیمی بیر ایرانی ایسته‌ییرلر. ایران بو اؤلکه‌لردن فرقلی‌دیر. ایران خالقی آمریکایا بو توطئه‌نی حیاتا گئچیرمه ایمکانی وئرمه‌یه‌جک" ایفاده‌لرینی ایشلتدی.

اعتراضلا عصیان آراسیندا فرق اولدوغونو سؤیله‌ین رئیسی،

"اعتراض مثبت، عصیان ییخیجیدیر. اعتراضلارا قولاق آسماق لازیمدیر" دئدی.

تهران‌دا ۱۶ سپتامبردا "اخلاق پلیسی" طرفیندن توتولدوقدان سونرا وضغیتی پیسله‌شرک خسته‌خانایا یئرلشدیریله‌ن ۲۲ یاش‌لی مهسا امینی‌نین ۱۳ سپتامبردا یاشامینی ایتیرمه‌سی اؤلکه یؤنه‌تیمینه قارشی اعتراضلارا سبب اولموشدو.

اؤلکه‌یه یاییلان گؤستریلرده یوزلرجه اینسان حیاتینی ایتیردی، ۱۰ مین‌دن چوخ اینسان گؤزآلتینا آلیندی.

ایران‌دا نفتین میللیلشدیریلمه‌سی حرکتینه رهبرلیک ائد‌ن باشباخان محمد مصدقین ۱۹۵۳.جو ایلده آمریکا مرکزی استخبارات تشکیلاتی (سی‌آی‌ای) طرفیندن تشکیل ائدیلن چئوریلیش ایله دئوریلمه‌سیندن تخمیناً ۴ آی سونرا دؤنمین آمریکا باشقانی دوایت آیزنهاورین یاردیمچیسی ریچارد نیکسون، اؤلکه‌سینین محمد رضا شاها دستگینی گؤسترمک اوچون ۷ دسامبر ۱۹۵۳ده تهرانا سفر ائتمیشدی.

بو سفره اعتراض ائد‌ن تهران اونیوئرسیته‌سی اؤیرنجیلرین‌دن اوچو گوونلیک گوجلری طرفیندن اؤلدورولموشدو.

بو حادثه‌یه دایاناراق یران‌دا هر ایل ۷ دسامبر اونیوئرسیته اؤیرنجیلری گونو اولاراق آنیلیر.



ایلگیلی‌لی خبرلر