ولودیمیر زلنسکی: "روسیا اوردوسونون آتدیغی راکت‌لرین اکثریتی محو ائدیلیب"
اوکراینا پرزیدنتی ولودیمیر زلنسکی دسامبرین 5-ده روسیا اوردوسونون اوکراینانین موختلیف بؤلگه‌لرینه آتدیغی 70 راکتین اکثریتی‌نین اوکراینا قوه‌لری طرفیندن محو ائدیلدیگینی آچیقلاییب.
اوکراینا پرزیدنتی ولودیمیر زلنسکی دسامبرین 5-ده روسیا اوردوسونون اوکراینانین موختلیف بؤلگه‌لرینه آتدیغی 70 راکتین اکثریتی‌نین اوکراینا قوه‌لری طرفیندن محو ائدیلدیگینی آچیقلاییب.
دسامبرین 5-ده گئجه ساعات‌لاریندا "تلگرام" حسابیندان ائتدیگی ویدئو پای‌لاشیمیندا خالقا مراجعت ائدن زلنسکی روسیا قوه‌لری‌نین یئنیدن اؤلکه‌سینه قارشی راکت هوجوملاری حیاتا کئچیردیگینی بیلدیریب.
زلنسکی قئید ائدیب کی، اوکراینا طرفینده طرفداش اؤلکه‌لرین تقدیم ائتدیگی هاوا هوجومون‌دان ساوونما سیستم‌لری افکتیو ایشلییر، لاکین بو کیفایت دئییل، داها چوخ اوخشار سیستم‌لره احتیاج وار. بو گون (دسامبرین 5-ی) روسیانین هوجوم‌لاریندا 4 نفر حیاتینی ایتیریب.
روسیانین هوجوم‌لارینا گؤره اؤلکه‌سینده الکتریک انرژیسی‌نین کسیلمه‌سی‌نین داوام ائتدیگینی دئین زلنسکی کیئو ده داخیل اولماقلا بیر چوخ بؤلگه‌ده جدی سویوده الکتریک انرژیسی کسیلمه‌سی‌نین اولدوغونو دیله گتیریب.
