ایران‌دا بعضی بؤلگه‌لره قار یاغدی

اردبیل ویلایتینین بعضی بؤلگه‌لرین‌ده‌کی اوخول اؤنجه‌سی و ایبتیدای اوخوللارین باغلاندیغی آچیقلاندی

1914629
ایران‌دا بعضی بؤلگه‌لره قار یاغدی

ایرانین بعضی شهرلرین‌ده قار، سویوق هاوا، شاختا و دومان سببی ایله اوخوللار تعطیل ائدیلدی، بعضی اوچوشلار لغو دوردورولدو.

ایرانین رسمی خبر آژانسی ایرنانین معلوماتینا گؤره، تهران ایالتینین تحصیل باش ایداره‌سی، سویوق هاوا و شاختا سببی ایله رودهن و دماوندده بوتون اوخوللارین تعطیل ائدیلدیگینی آچیقلادی.

باشکند تهران‌داکی مهرآباد هاوا لیمانینین بعضی اوچوشلاری گئده‌جکلری یئرده‌کی قار و دومانلی هاوا سببی ایله لغو ائدیلدی.

رضوی خوراسان ایالتینین مشهد و بعضی شهرلرینده‌کی ایبتیدای اوخوللارین، اردبیل ویلایتینین بعضی بؤلگه‌لرین‌ده‌کی اوخول اؤنجه‌سی و ایبتیدای اوخوللارین باغلاندیغی آچیقلاندی.

رضوی خوراسان قیزیل آییندان وئریله‌ن آچیقلامادا، مشهدده قار فیرتیناسی سببی ایله تخمیناً ۱۰۰۰ اتومبیلین یول‌دا قالدیغی، قورتارما قروپلارینین ۳ کیلومترلیک یولو آچاراق وطنداشلارا کؤمک ائتدیگی بیلدیریلدی.

دیگر طرف‌دن، مسئوللار اؤلکه‌نین قوزئی بؤلگه‌لرینه سفر ائد‌جک سوروجولری بوزلانما سببی ایله سرعتی آرتیرماماق و ضرورت اولمادیقجا یولا چیخماماق قونوسوندا اویاردی.



ایلگیلی‌لی خبرلر