ماجاریستان-ارمنیستان ایلیشکیلری یئنیدن قورولدو
ارمنیستان، آذربایجان بایراغینا سایغیسیزلیق ائدن ارمنی سوبایی اؤلدورن سفرووون آذربایجانا قایتاریلماسینا گؤره ماجاریستانلا دیپلوماتیک ایلیشکیلری کسمیشدی
ماجاریستانلا ارمنیستان آراسیندا دیپلوماتیک ایلیشکیلر یئنیدن قورولدو.
ماجاریستانین خاریجی ایشلر و خاریجی تیجارت باخانی پتر سیارتو، اؤلکه‌سی ایله ارمنیستان آراسیندا دیپلوماتیک ایلیشکیلرین یئنیدن قورولماسی حاقیندا آنلاشما الده اولوندوغونو بیان ائتدی.
سیارتو، فیسبوک حسابین‌داکی پایلاشیمیندا، ایکی اؤلکه آراسیندا دیپلوماتیک ایلیشکیلرین کسیلمه‌سین‌دن ۱۰ ایلده‌ن چوخ واخت گئچدیگینی آنجاق سون واختلار آپاریلان دانیشیقلار نتیجه‌سینده بو ایلیشکیلرین یئنیدن قورولماسینا قرار وئریلدیگینی بیلدیردی.
ماجاریستانلی باخان،
"بیر سونراکی آددیم قارشی‌لیق‌لی ائلچیلرین تعیین ائدیلمه‌سیدیر" ایفاده‌سینی ایشلتدی.
۲۰۰۴ده ناتونون "باریش اوچون اورتاقلیق" پروگرامی چرچیوه‌سینده ماجاریستان‌دا قاتیلدیغی سمیناردا، آذربایجان بایراغینی آیاقلاری آلتینا آلان ارمنی سوبایی اؤلدوردوگونه گؤره عمورلوک حبس جزاسی آلان آذربایجان‌لی سوبای رامیل سفروو ۲۰۱۲ده اؤلکه‌سینه قایتاریلمیش، جمهورباشقانی ایلهام علییئوین اؤزل قراری ایله باغیشلانمیشدی.
ارمنیستان، سفرووون قایتاریلماسینا گؤره ماجاریستانلا دیپلوماتیک ایلیشکیلری کسمیشدی.
ایلگیلی‌لی خبرلر
پ‌کاکالی ۲ تروریست ضررسیزلشدیریلدی
"بیزی نه قار، نه یاغیش، نه فیرتینا نه ده چتین اراضی شرایطی دوردورابیلر"
