حاجی‌زاده: ۳۰۰دن چوخ وطنداش حیاتینی ایتیردی

"دوشمنی تانیتمادیغیمیز اوچون بو ایکی آیدا ۳۰۰دن چوخ اینسان اؤلدورولدو و یا شهید اولدو"

1912298
حاجی‌زاده: ۳۰۰دن چوخ وطنداش حیاتینی ایتیردی

ایرانین سپاه اوردوسو باشچیلاریندان امیرعلی حاجی‌زاده، گؤستریلرده آرالاریندا گوونلیک گوجلری ده اولماقلا ۳۰۰دن چوخ وطنداشین حیاتینی ایتیردیگینی آچیقلادی.

ایران‌دان یاییملانان اؤیرنجی خبر آژانسینا گؤره، تهران‌داکی شهید رجایی اونیوئرسیته‌سینده دانیشان حاجی‌زاده، اؤلکه‌ده تخمیناً ایکی آی یاریمدیر داوام ائد‌ن اعتراضلارا توخوندو.

گؤستریلرین رژیم قارشیدلاری طرفیندن تشکیل ائدیلدیگینی آنجاق گؤستریلرده ایشتیراک ائد‌ن هر کسیین سوچلانماماسی لازیم اولدوغونو دئین حاجی‌زاده:

"آیاقلانمالار آلدانانلار قارشی دئوریمچی دئییل، بیزیم اوشاقلاریمیز و خالقیمیزین بیر پارچاسیدیر" دئدی.

اؤلکه‌ده‌کی گنجلرین «"دوشمنی تانیمادیغینی" ایفاده ائدن حاجی‌زاده، اونیوئرسیته‌لرده بو قونودا درسلر وئریلمه‌لی اولدوغونو بیلدیردی.

امیرعلی حاجی‌زاده دانیشماسیندا،  گؤستریلرده حیاتینی ایتیره‌نلرین ساییسی ایله باغلی ایلک رسمی آچیقلامانی وئررک،

"دوشمنی تانیتمادیغیمیز اوچون بو ایکی آیدا ۳۰۰دن چوخ اینسان اؤلدورولدو و یا شهید اولدو" ایفاده‌لرینی ایشلتدی.

رسمی قایناقلار حادثه‌لرده مولکی وطنداشلارین و گوونلیک گوجلرینین اؤلدویو باره‌ده آچیقلامالار وئرسه‌لر ده، مئدیایا یالنیز "۶۰دان چوخ گوونلیک امکداشینین حیاتینی ایتیردیگی" خبرلری یاییلدی.

نروژ مرکزلی ایران اینسان حاقلاری تشکیلاتی، ۲۲ نوامبردا یاییملادیغی راپوردا، کوچه گؤستریلرینده گوونلیک گوجلرینین موداخیله‌سی نتیجه‌سین‌ده ۴۱۶ اعتراضچینبن اؤلدوگونو بیلدیرمیشدی.



ایلگیلی‌لی خبرلر