ایران؛ آلمانیانین تهران ائلچیسی خاریجی ایشلر باخانلیغینا چاغریلدی
ایران خاریجی ایشلر باخانلیغی ۱۴ نوامبردا دا آلمانیا باشباخانی اولاف شولتسون ایرانلا باغلی آچیقلامالارینا تپکی اولاراق موتسلی خاریجی ایشلر باخانلیغینا چاغیرمیشدی
ایران، آلمانیا مقاملارینین بیرلشمیش میللتلر تشکیلاتینین اینسان حاقلاری شوراسیندا ایرانلا باغلی آچیقلامالارینا تپکی اولاراق آلمانیانین تهران ائلچیسی هانس اودو موتسلی خاریجی ایشلر باخانلیغینا چاغیردی.
بو مؤوضوع ایله باغلی ایران خاریجی ایشلر باخانلیغینین اینترنت سایتیندان یازیلی آچیقلاما یاییملاندی.
آچیقلامادا، آلمانیا نمایندهلرینین بیرلشمیش میللتلر اینسان حاقلاری شوراسیندا ایرانا قارشی "موداخیلهچی و اساسسیز" سؤیلملرینه تپکی اولاراق آلمانیانین تهران ائلچیسی هانس اودو موتسلین خاریجی ایشلر باخانلیغینا چاغیریلدیغی بیلدیریلدی.
آلمانیا ائلچیسینه بیرلشمیش میللتلرین ایتوپلانتیسیندا قبول ائدیلهن قرارین "یانلیش و سیاسی" اولدوغو، ایران یؤنهتیمینین بونلاری رد ائتدیگی و بو قونودا شورا ایله امکداشلیق ائتمهیهجگی بیلدیریلدی.
آلمانیانین تهرانداکی ائلچیسی موتسلین "ایرانین مئساژینی اؤلکهسینه چاتدیراجاغینی" بیلدیردیگی قید ائدیلدی.
ایران خاریجی ایشلر باخانلیغی ۱۴ نوامبردا دا آلمانیا باشباخانی اولاف شولتسون ایرانلا باغلی آچیقلامالارینا تپکی اولاراق موتسلی خاریجی ایشلر باخانلیغینا چاغیرمیشدی.
بیرلشمیش میللتلر اینسان حاقلاری شوراسینین جمعه آخشامی گئچیریلهن اؤزل توپلانتیسیندا ایراندا ۱۶ سپتامبردان بری داوام ائدن اعتراضلارا گوونلیک گوجلرینین موداخیلهسی سیراسینداکی حاق پوزولنتولاری ایله باغلی ادعالار موذاکیره ائدیلمیشدی.