ایسراییل قوهلری نابلس شهرینده 16 یاشلی فیلیسطینلی اوشاغی اؤلدوروب
ایسراییل قوهلری ایشغال آلتینداکی اوردون چایینین باتی ساحلیندهکی نابلس شهرینده 16 یاشلی فیلیسطینلی اوشاغی اؤلدوروب.
ایسراییل قوهلری ایشغال آلتینداکی اوردون چایینین باتی ساحلیندهکی نابلس شهرینده 16 یاشلی فیلیسطینلی اوشاغی اؤلدوروب.
فیلیسطین ساغلیق ناظیرلیگیندن وئریلن معلوماتا گؤره، نابلس شهرینه باسقین زامانی ایسراییل عسگرلرینین آچدیغی آتش نتیجهسینده اورییندن یارالانان احمد امجد شاهاده حیاتینی ایتیریب.
آچیقلامادا ایسراییل عسگرلرینین نابلس شهرینه داخیل اولماسینا مانع اولماغا چالیشان فیلیسطینلیلرله باش وئرن قارشیدورمادا بیری آغیر اولماقلا 5 فیلیسطینلینین یارالاندیغی دا قئید اولونوب.
فیلیسطین قیزیل آی جمعیتیندن وئریلن آچیقلامادا ایشغال قوهلرینین بؤلگهده یارالیلارا خیدمت گؤسترن ساغلیق ایشچیلرینه ده آتش آچدیغی و ماشینلاردان بیرینین گولله ایله وورولدوغو بیلدیریلیب.
بؤلگهدهکی شاهیدلرین وئردیگی معلوماتا گؤره، غیری-قانونی یهودی مسکونلاشانلارین نابلس شهرینین دوغوسوندا یوسف مقامی کیمی تانینان مسجیده باسقین زامانی اونلاری قوروماق مقصدیله بؤیوک بیر حربی بیرلشمه دوزئرلرله شهره داخیل اولوب.
شهره یؤنلدیمیش باسقینا اعتراض ائدن فیلیسطینلیلرله ایسراییل عسگرلری آراسیندا باش وئرن قارشیدورما زامانی ایشغالچی قوهلر خالقا حقیقی گوللهلرله آتش آچیب.