ایسراییل عسگرلری بیر فیلیسطین-لینی اؤلدوروب
ایسراییل عسگرلری ایشغال آلتینداکی اوردون چایینین باتی ساحلیندهکی نابلس شهرینده بیر فیلیسطینلینی اؤلدوروب.
ایسراییل عسگرلری ایشغال آلتینداکی اوردون چایینین باتی ساحلیندهکی نابلس شهرینده بیر فیلیسطینلینی اؤلدوروب.
فیلیسطین دؤولت تلویزیونون خبرینه گؤره، نابلس-ون دوغوسونداکی "یوسفون مقبرهسی" کیمی تانینان یئره باسقین ائدن ایسراییل قوهلری ایله باسقینین قارشیسینی آلماق ایستهین فیلیسطینلیلر آراسیندا گرگینلیک یارانیب.
باش وئرن حادثهلرده ایسراییل قوهلری طرفیندن وورولان فیلیسطینلی مهدی حشاش حیاتینی ایتیریب.
شاهیدلرین سؤزلرینه گؤره، ایسراییل عسگرلری نابلس-دا "یوسفون مقبرهسی" کیمی تانینان یئرده دینی آیینلر یئرینه یئتیرمک ایستهین یهودی کؤچکونلری و پارلامئنت عضولرینی قوروماق اوچون بؤلگهیه باسقین ائدیب.
ایسراییل قوهلری باسقینا رئاکسیا وئرن فیلیسطینلیلره قارشی گؤزیاشاردیجی گازلا یاناشی، حقیقی و رزین گوللهلردن ایستیفاده ائدیب.
فیلیسطین قیزیل آی جمعیتیندن وئریلن آچیقلامادا "یوسفون مقبرهسی" یاخینلیغیندا باش وئرن حادثهلرده 3 نفرین رزین گوللهلرله یارالاندیغی، 57 نفرین ایسه آتیلان گازدان تاثیرلندیگی و بوغولما ریسکینه معروض قالدیغی قئید ائدیلیب.
حادثهدن سونرا فیلیسطینلی "بالاتا تیپی" آدلی فیلیسطینلی قروپ یازیلی آچیقلاما وئرهرک، ایسراییل حربچیلرینین "یوسفون مقبرهسی" یئرینه باسقین زامانی باش وئرن قارشیدورما زامانی "بالاتا تیپی" عضوو مهدی حشاشین عسگرلر طرفیندن گوللهلنهرک اؤلدورولدوگونو بیلدیریب.