اوکراینا، چیرکلی بومبا ادعالارینی رد ائتدی
"اوکراینا اوردوسو، تورپاقلاریمیزی هر گون روس چیرکیندن قورتاریر"
اوکراینانین ساوونما باخانی اولکسی رزنیکوو، "چیرکلی بومبا (رادیاکتیو احتیوا ائدن بومبا)" فیکرینین اؤزلری اوچون "ایگرنج" گلدیگینی بیلدیررک، بیرلشمیش میللتلر اولوسلارآراسی اتم انرژیسی قورومونو، ایزلمه اکیبینی اؤلکه‌سینه گؤندرمه‌یه چاغیردی.
اوکراینا ساوونما باخانی آلکسی رزنیکوو، توییتر صحیفه‌سیندن،
"اوکراینا اوردوسو، تورپاقلاریمیزی هر گون روس چیرکیندن قورتاریر. چیرکلی بومبا فیکری بیزیم اوچون ایگرنجدیر. بیرلشمیش میللتلر اولوسلارآراسی اتم انرژیسی قورومونو، ایزلمه اکیبینی اوکراینایا دعوت ائدیریک. دونیا، روسیانین نۆوه تهدیدینه جاواب وئرمه‌لیدیر. بوداپست مموراندومونون ۴.جو بندینه عمل ائدیلمه‌سینی طلب ائدیریک" دئیه یازدی.
روسیانین ساوونما باخانی سرگئی شویگو اوکراینانین "چیرکلی بومبا"دان ایستیفاده ائدجگینی ادعا ائتمیشدی.
آمریکا، فرانسا و اینگیلتره خاریجی ایشلر باخانلاری ایسه اورتاق بیر آچیقلاما ایله روسیانین، اوکراینانین اؤز تورپاقلاریندا "چیرکلی بومبا" ایستیفاده ائتمه‌یه حاضیرلاشدیغی ادعالارینی رد ائدتمیشدی.
ایلگیلی‌لی خبرلر
بریتانیا کشفیاتی: "روسیا اوغورلو هوجوم‌لار اوچون لازیمی ایمکان‌لارا مالیک دئییل"
بو باره‌ده بؤیوک بریتانیا ساوونما ناظیرلیگی کشفیات معلومات‌لارینا اساساً بیلدیریب.
