پوتین اوکراینانین 4 ویلایتی‌نین روسیایا بیرلشدیریلمه‌سی ایله باغلی سازیش‌لری تصدیقله‌ییب

بو باره‌ده کرملین معلومات یاییب.

1888906
پوتین اوکراینانین 4 ویلایتی‌نین روسیایا بیرلشدیریلمه‌سی ایله باغلی سازیش‌لری تصدیقله‌ییب

روسیا پرزیدنتی ولادیمیر پوتین اوکراینانین ایشغال آلتینداکی دونتسک، لوگانسک، زاپوروژیا، خرسون ویلایت‌لری‌نین روسیایا بیرلشدیریلمه‌سی ایله باغلی سازیش‌لری تصدیقله‌ییب.

بو باره‌ده کرملین معلومات یاییب.

پوتین همچنین همین ویلایت‌لره والی لر تعیین ائدیب.

سؤزوگئدن فرمان‌لارا اساساً، بو اراضی‌لرده یاشایان‌لار روسیا وطنداشی ساییلا‌جاق.

ایمضا‌لانان فرمان‌لار 10 گون‌دن سونرا قوه‌یه مینه‌جک.

قئید ائدک کی، سپتامبرین 23-27-ده اوکراینانین روسیا ایشغا‌لی آلتیندا اولان دونتسک، لوگانسک، خرسون و زاپوروژیا ویلایت‌لرینده "رفرندوم" کئچیریلیب. وطنداش‌لار روسیانین ترکیبینه داخیل اولماغا راضی اولوب-اولمادیق‌لاری باره‌ده سوالا جاواب وئریب‌لر. اعلان اولونان نتیجه‌لره گؤره "رفرندوم"دا ایشتیراک ائدن‌لرین بؤیوک اکثریتی همین ویلایت‌لرین روسیایا بیرلشدیریلمه‌سینی دستکله‌ییب.

رسمی کیئو، اولوسلار آراسی تشکیلات‌لار و دونیانین هئچ بیر اؤلکه‌سی "رفرندوم"لارین نتیجه‌سینی تانیماییب.

سپتامبرین 30-دا روسیا پرزیدنتی ولادیمیر پوتین زاپوروژیا و خرسون ویلایت‌لری‌نین "اگمنلیگی"نین و "موستقیل‌لیگی"نین تانینماسی حاقیندا فرمان ایمضالاییب.

همین گون اوکراینانین دؤرد بولوجو بؤلگه‌سی‌نین روسیایا بیرلشدیریلمه‌سی باره‌ده سازیش‌لر ایمضالانیب. مراسیم موسکوادا بؤیوک کرملین سارایی‌نین گئورگیئوسک زالیندا کئچیریلیب.

سازیش‌لری روسیا پرزیدنتی ولادیمیر پوتین، بولوجو "دونتسک خالق جمهوریتی" "لوگانسک خالق جمهوریتی"، خرسون و زاپوروژیا ویلایتلرینن رهبرلری ایمضالاییب‌لار.



ایلگیلی‌لی خبرلر