ایران-دا کئچیریلن اعتراض آکسیا‌لاری

ایران-ین قم شهرینده مهسا امینی‌نین اؤلوموندن سونرا باشلایان اعتراضلاری تشکیل ائتدیک‌لری سببی ایله 50 نفر ساخلانیلیب.

1886858
ایران-دا کئچیریلن اعتراض آکسیا‌لاری

ایران-ین قم شهرینده مهسا امینی‌نین اؤلوموندن سونرا باشلایان اعتراضلاری تشکیل ائتدیک‌لری سببی ایله 50 نفر ساخلانیلیب.

یاری-رسمی فارس خبر آژانسی‌نین معلوماتینا گؤره، قم سپاه پاسداران اردوسونون ایجتیمایتله علاقه‌لر بؤلمه‌سی شهرده اعتراض آکسیا‌لاری تشکیل ائتمک و سوسیال مئدیا واسیطه‌سیله حکومت علیهینه بروشورلر یایماقدا گوناهلاندیریلان 50 نفرلیک بیر قروپون ساخلانیلدیغینی آچیقلاییب.

خبرده سپاه پاسدارانین کشفیات ایداره‌سی‌نین خالقدان " اجتماعی آساییشی پوزان فعال‌لارین فوتو، ویدئو و شخصی معلومات‌لاری‌نین اؤتورولمه‌سینی" ایسته‌دیگی بیلدیریلیب.

دیگر طرف‌دن، ایرانین رسمی آژآنسی ایرنا-نین خبرینه گؤره، اورمیه پولیسی‌نین مودیری، سرهنگ حسن شیخ نژاد بعضی بؤلگه‌لرده و محله‌لرده اعتراضلارا رهبرلیک ائدن و شخصی ملک‌لره ضرر وئرن‌لر ده داخیل اولماقلا، چوخلو سایدا آدامین ساخلانیلدیغینی آچیقلاییب.

شیخ نژاد ساخلانیلان‌لارین سایینی آچیقلاماسا دا، قئید ائدیب کی، بو شخص‌لره قارشی محکمه پروسه‌سی باشلاییب.

رسمی اورقان‌لار اؤلکه‌ده‌کی حبس‌لرین دقیق سایینی آچیقلاماسا دا، بو رقمین 2000-دن چوخ اولدوغو تخمین ائدیلیر.

خاطیرلاداق کی، سپتامبرین 13-ده تهران-دا "اخلاق پولیسی" کیمی تانینان ارشاد گشتی طرفیندن ساخلانیلدیقدان سونرا خسته‌خانایا آپاریلان 22 یاش‌لی مهسا امینی‌نین سپتامبرین 16-دا وفات ائتمه‌سی اؤلکه‌ده غضبه سبب اولدو. سپتامبرین 17-ده امینی دوغولدوغو ساققیزدا دفن ائتدیک‌دن سونرا نوماییش‌لر اؤلکه‌نین بیر چوخ شهرلرینه یاییلدی.

ایران دؤولت تلویزیونو نوماییش‌لر زامانی تهلوکه‌سیزلیک قوه‌لری ده داخیل اولماقلا 41 نفرین حیاتینی ایتیردیگینی آچیقلاییب.



ایلگیلی‌لی خبرلر