پئسکوو: روسیایا قارشی سالدیرقانلیق اولاراق قبول ائدیله‌جک

"اوکراینا طرفی، دانیشیقلاری داوام ائتدیرمک ایسته‌مه‌دیگینی دفعه‌لرله بیان ائتدی. بو شرایط‌ده اؤزل حربی عملیاتین داوام ائتدیریلمه‌سی دۆشونولور"

1886923
پئسکوو: روسیایا قارشی سالدیرقانلیق اولاراق قبول ائدیله‌جک

روسیا دؤولت باشقانلیغی سارایینین سؤزچوسو دمیتری پئسکوو، یئنی تورپاقلارا سالدیریلارین "روسیایا قارشی سالدیرقانلیق" قبول ائدیله‌جگینی سؤیله‌دی.

دمیتری پئسکوو، باشکند موسکوادا گوند‌مله باغلی آچیقلامالار وئردی.

اوکرایناداکی روسیا یانلیسی آیریلیقچیلارین کنترلونداکی سؤزده دونتسک و لوهانسک خالق جمهوریتلرین‌ ایله روس اوردوسونون اله گئچیردیگی خرسون و زاپوریژیا بؤلگه‌لرینده روسیایا قوشولماسینا دایر بو گون مراسیم گئچیریله‌جگینی دئین پئسکوو، مراسیمده ۴ آنلاشما ایمضالاناجاغینی بیلدیردی.

قوندارما دونتسک و لوهانسک خالق جمهوریتلرینین ۲۰۱۴.جو ایلده‌کی سرحدلرینده روسیا طرفیندن تانیندیغینی خاطیرلادان پئسکوو، خرسون و زاپوریژیا بؤلگه‌لرینین سرحدلرینین دقیقلشدیریله‌جگینی سؤیله‌دی.

بیر ژورنالیستین، "اوکراینا اوردوسونون بو بؤلگه‌لره سالدیریلاری روسیایا قارشی سالدیری کیمی قبول ائدیله‌جک ‌می؟" سوالینا پئسکوو،

"باشقا بیر شئی اولابیلمز" جاوابینی وئردی.

دمیتری پئسکوو، اوکراینا طرفینین روسیا ایله دانیشیقلاردان تامامیله چکیلدیگینه ده دقت چکرک،

"اوکراینا طرفی، دانیشیقلاری داوام ائتدیرمک ایسته‌مه‌دیگینی دفعه‌لرله بیان ائتدی. بو شرایط‌ده اؤزل حربی عملیاتین داوام ائتدیریلمه‌سی دۆشونولور" دئدی.



ایلگیلی‌لی خبرلر