ایران-دا اعتراض آکسیا‌لاری داوام ائدیر

ایران دؤولت تلویزیونو نوماییش‌لر زامانی تهلوکه‌سیزلیک قوه‌لری ده داخیل اولماقلا 41 نفرین حیاتینی ایتیردیگینی آچیقلاییب.

1886341
ایران-دا اعتراض آکسیا‌لاری داوام ائدیر

ایران-دا لرستان دادستانی محمد رزم "چادرا قایدا‌لارینا تابع اولماماق" سببی ایله نظارته گؤتوروله‌رک خسته‌خانایا آپاریلان مهسا امینی‌نین اؤلوموندن سونرا باشلایان نوماییش‌لره گؤره شهرده 120 نفرین نظارته آلیندیغینی آچیقلاییب.

لرستان دادستانی رزم پایتاخت تهران-دا نوماییش‌لر زامانی حیاتینی ایتیرن لرستان محافظه چیسی فرید کرم پورون عائله‌سینی زیارت ائدیب.

رزم زیارت زامانی وئردیگی آچیقلامادا سون نوماییش‌لره گؤره شهرده 120 نفرین ساخلانیلدیغینی، بو شخص‌لره قارشی بیر چوخ اتهام‌لارین ایره‌لی سورولدوگونو و قانوندا نظرده توتولان جزا‌لاری آلا‌جاق‌لارینی بیلدیریب.

قئید ائدک کی، حادثه‌لر داوام ائدرکن تهلوکه‌سیزلیک قوه‌لری محکمه‌لرین تعلیماتی ایله اعتراضلاردا ایشتیراک ائدن و "اجتماعی تهلوکه‌سیزلیگه تهدید یارا‌دان" نوماییشچی‌لره قارشی حبس دالغاسینا باشلاییب. بو چرچیوه‌ده گیلان-دا 739، مازندران-دا 450، ایلام-دا 180 نفرین حبس ائدیلدیگی بیلدیریلیب.

تهران اونیورسیته‌سی طلبه‌لر بیرلیگی ان آزی 30 طلبه‌نین ساخلانیلدیغینی، تهران ژورنالیست‌لر بیرلیگی ایسه 10 ژورنالیستین ساخلاندیغینی آچیقلاییب.

ساخلانیلان‌لارین عمومی سایی‌نین 2000-دن چوخ اولدوغو تخمین ائدیلیر.

بو آرادا اؤلکه‌ده نوماییش‌لر داوام ائدیر.

پایتاخت تهرانین صادقیه میدانی اطرافیندا اعتیراض چی لارا سوروجولر ماشین لارینین سیقنال‌لارینی چالا‌راق دستک وئریب‌لر.

بو آرادا، "کؤنول‌لو میلیس قوه‌لری" کیمی تانینان بسیج عضو‌لری سؤزوگئدن اتومبیل لرین کاپوت‌لارینا وورا‌راق موداخیله ائدیب.

صادقیه میدانی‌نین بیر حیسه‌سینی باغلایان تهلوکه‌سیزلیک قوه‌لری‌نین سیقنال وئرن واسیطه‌لرین قئیدلرینی ده ساخلادیغی گؤرولوب. تهلوکه‌سیزلیک قوه‌لری بؤلگه‌ده ستار خانا گئدن یولو باریکادا‌لارلا باغلاییب.

نوماییش‌لر پایتاختین ایتالیا، طالقانی و بیت المقدس کوچه‌لری ایله فیلیسطین میدانی اطرافیندا داوام ائدیب.

بو آرادا، اونیورسیته طلبه‌لری تهران‌داکی نوماییش‌لره گؤره آنلاین تحصیله کئچیده اعتراض ائدرکن، بعضی استاد-معلم هئیتی حبسده اولان طلبه‌لری‌نین سربست بوراخیلماسینی طلب ائده‌رک درس‌لری دایاندیردیق‌لارینی آچیقلاییب.

سوسیال مئدیادا عکسینی تاپان خبرلره گؤره، تهرانلا یاناشی، بوشهر، شیراز و یزد کیمی شهرلرده ده نوماییش‌لر کئچیریلیب.

خاطیرلاداق کی، سپتامبرین 16-دا ایرانین پایتاختی تهراندا اخلاق پولیسی کیمی تانینان ارشاد گشتی طرفیندن "چادرا قایدا‌لارینا تابع اولماماق" سببی ایله نظارته گؤتوروله‌رک خسته‌خانایا آپاریلان مهسا امینی‌نین اؤلومو سپتامبرین 16-دا اؤلکه‌ده اعتراض لارا سبب اولدو. سپتامبرین 17-ده امینی‌نین شهری ساککیزدا دفنیندن سونرا باشلایان اعتراض آکسیا‌لاری قیسا زاماندا بیر چوخ شهره یاییلدی.

ایران دؤولت تلویزیونو نوماییش‌لر زامانی تهلوکه‌سیزلیک قوه‌لری ده داخیل اولماقلا 41 نفرین حیاتینی ایتیردیگینی آچیقلاییب.

دیگر طرف‌دن، ایران پرزیدنتی ابراهیم رئیسی نوماییش‌لرله باغلی آچیقلاما وئریب:

"تنقید و اعتراض ایله قاریشیق‌لیق و خاوس آراسیندا سرحد چکیلمه‌لی‌دیر".

ایران دؤولت تلویزیونوندا جان‌لی یاییم‌لانان پروقرامدا ابراهیم رئیسی مهسا امینی‌نین اؤلوموندن سونرا اؤلکه‌یه تأثیرلی اولان اعتراض دالغاسینی و "اخلاق پولیسی" کیمی تانینان ارشاد گشتینه یؤنلدیلمیش تنقیدلری دیرلندیریب.

مهسا امینی‌نین اؤلومونون هر کسی اوزدوگونو و حادثه‌نین محکمه‌یه آپاریلدیغینی بیلدیرن رئیسی حادثه‌نین عدلی طب طرفیندن آراشدیریلدیغینی و یئکون راپورون بیر نئچه گون عرضینده آچیقلاناجاغینی گؤزله‌دیک‌لرینی بیلدیریب.

رئیسی اؤلکه‌ده اؤلومله نتیجه‌لنن اعتراضلارداکی زوراکی‌لیق حرکت‌لرینی "دوشمن‌لرین سوء-قصدلری" کیمی خاراکتریزه ائدیب:

"بعضی پروبلئم‌لرله باغلی موذاکیره‌لر، تنقیدلر، حتی اعتراضلار بئله سهو دئییل. تنقیدله اعتراض ایله هرج و مرج و خاوس آراسیندا سرحد چکیلمه‌لی‌دیر. دونیانین هئچ بیر یئرینده قاریشیق‌لیق و خاوس قبول ائدیلمزدیر".



ایلگیلی‌لی خبرلر