روسیا ایله افغانیستان آراسیندا بوغدا داشینماسی ایله باغلی راضی‌لیق الده اولوندو
روسیا جمهور باشقانی ولادیمیر پوتین‌ین افغانیستان‌داکی خصوصی نوماینده‌سی ضمیر کابلوو روسیا ایله افغانیستان آراسیندا انرژی قایناق لاری و بوغدا داشینماسی ایله باغلی راضی‌لیق‌لارین الده اولوندوغونو آچیقلاییب.
روسیا جمهور باشقانی ولادیمیر پوتین‌ین افغانیستان‌داکی خصوصی نوماینده‌سی ضمیر کابلوو روسیا ایله افغانیستان آراسیندا انرژی قایناق لاری و بوغدا داشینماسی ایله باغلی راضی‌لیق‌لارین الده اولوندوغونو آچیقلاییب.
ضمیر کابلوو روسیانین تاس خبر آژانسینا وئردیگی معلوماتدا افغانیستان ایله ایلکین راضی‌لیق‌لارین الده ائدیلدیگینی بیلدیره‌رک دئییب: "موقاویله‌لر انرژی، یانا‌جاق و بوغدا داشینما‌لارینی احاته ائدیر. بوندان سونرا طرف‌لر حجم‌لر اوزره مووافیق موقاویله‌لر ایمضالایا‌جاق‌لار".
طالبانین سؤزچوسو ذبیح الله مجاهد توییتر حسابیندان مؤوضوع ایله باغلی وئردیگی آچیقلامادا یازیب: "طالبان حکومتی‌نین تیجارت و صنایع ناظیری‌نین معاوینی حاجی نورالدین عزیزی‌‌نین رهبرلیک ائتدیگی نوماینده هئیتی روسیادا اولوب. آپاریلان دانیشیق‌لاردان سونرا نؤوبتی ایل اوچون نفت و بوغدا کیمی ضروری محصول‌لارین آلینماسی اوچون موختلیف موقاویله‌لرین ایمضالانماسینا دایر راضی‌لیق‌لار الده ائدیلیب".
قئید ائدک کی، روسیا‌دان یاخین بیر نئچه هفته عرضینده گؤندریله‌جک محصول‌لار افغانیستان بازارینا چیخاریلا‌جاق.
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
