عراق، ایرانا اعتراض یازیسی وئردی

ایرانین بغداد ائلچیسی محمدکاظم آل ‌صادقین باخانلیغا چاغیریلدیغی بیلدیریلدی

1886422
عراق، ایرانا اعتراض یازیسی وئردی

عراق، اؤلکه‌نین قوزئیینده‌کی کومله، دموکرات و پ‌آک هؤرگوتلرینین قرارگاهلارینا قارشی هاوا سالدیریلارینا گؤره ایرانا اعتراض یازیسی وئردی.

عراق خاریجی ایشلر باخانلیغیندان وئریله‌ن یازیلی آچیقلامادا، ایرانین بغداد ائلچیسی محمدکاظم آل ‌صادقین باخانلیغا چاغیریلدیغی بیلدیریلدی.

آچیقلامادا،

"ایرانین، عراق کورد بؤلگه‌سل اداره‌سینه باغلی کندلره قارشی موشک و اینسانسیز هاوا آراجلاری ایله حیاتا گئچیردیگی و آرالاریندا اوشاق و قادینلارین دا اولدوغو بعضی عراق‌لی مولکی شخصلرین اؤلومونه سبب اولان هاوا سالدیریلاری سببی ایله ایران ائلچیسی خاریجی ایشلر باخانلیغینا چاغریلدی و اونا سرت شکیلده اعتراض ائدیلدی" ایفاده‌لری ایشله‌دیلدی.

ایران گوجلرینین عراقین اگمنلیگینه و تورپاقلارینا قارشی داوام ائد‌ن سالدیریلارینین بیر داها قیناندیغی آچیقلامادا، ایرانین عراق شهرلرین‌ده‌کی مولکی اهالینی هدف آلماسی قارشیسیندا سس‌سیز قالینمایاجاغی قید ائدیلدی.



ایلگیلی‌لی خبرلر