محسنی اژه‌ای عتراضلارا دستک وئره‌نلرین یارغیلاناجاغینی بیلدیردی

ایران‌دا بعضی مشهور ایدمانچی و صنعتچیلر یایینلادیقلاری مئساژلارلا اعتراضچیلارا دستک اولوب، گۆونلیک گؤره‌ولیلرینین موداخیله شکلینه تپکی وئرمیشدی

1884949
محسنی اژه‌ای عتراضلارا دستک وئره‌نلرین یارغیلاناجاغینی بیلدیردی

ایران یارغی ارکی باشقانی غلامحسین محسنی اژه‌ای، ۲۲ اعتراضلارا دستک وئره‌نلرین یارغیلاناجاغینی بیلدیردی.

ایرانین رسمی خبر آژانسی ایرنایا گؤره، یۆکسک یارغی شوراسی توپلانتیسیندا دانیشان محسنی اژه‌ای، اعتراضلارا دستک وئره‌نلری اویاردی.

ساده‌جه کوچه‌لره چیخانلارین دئییل اونلارا دستک وئره‌نلرین ده سوچلو اولدوغونو دئیین محسنی اژه‌ای، بو شخصلر حاقیندا حقوقی سۆره‌ج آپاریلاجاغینی بیلدیردی.

اژه‌ای، اؤلکه‌ده‌کی بعضی مشهور شخصلرین داوام ائد‌ن اعتراضلارا دستک وئرمه‌لرینه تپکی وئره‌رک، اؤلکه‌یه وورولان مادی و معنوی زیانی بو شخصلرین اؤدیه‌جگینی سؤیله‌دی.

عینی توپلانتیدا دانیشان تهران ساوچیسی علی القاصی مهر ده "عصیانچی" کیمی اولاراق تانیملادیغی گؤستریچیلرین تئزلیکله محاکیمه اولونماسی اوچون ساوچیلیق بنیه‌سینده اؤزل شعبه‌لر اولوشدورلدوغونو بیلدیردی.

ایران‌دا بعضی مشهور ایدمانچی و صنعتچیلر یایینلادیقلاری مئساژلارلا اعتراضچیلارا دستک اولوب، گۆونلیک گؤره‌ولیلرینین موداخیله شکلینه تپکی وئرمیشدی.



ایلگیلی‌لی خبرلر