روسیادا قیسمی سفربرلیک اعلان ائدیلدی
"تورپاق بوتؤولوگوموز تهدید ائدیلیرسه، روسیا بوتون یوللاردان ایستیفاده ائد‌جک، بو بلوف دئییل"
روسیا دؤولت باشقانی ولادیمیر پوتین، اؤلکه‌ده قیسمی سفربرلیک اعلانی ایله باغلی قرارنامه ایمضالادی.
پوتین، اؤلکه‌سینین خالقی ایله اوکراینانین دوغوسونداکی قوندارما دونتسک خالق جمهوریتی، لوهانسک خالق جمهوریتی ایله خرسون و زاپوروژی بؤلگه‌لرینین ساکینلرینه خطاباً، قیسمی سفربرلیک اعلان ائتدیگینی بیلدیردی.
اوکراینانین دونباس، زاپوروژی و خرسون بؤلگه‌لرینین موستقیللیک قرارلارینی دستکلدیکلرینی ایفاده ائدن پوتین، باتی اؤلکه‌لرینین اوکراینادا باریشچیل چؤزوم ایستمه‌دیکلرینی ادعا ائتدی.
"تورپاق بوتؤولوگوموز تهدید ائدیلیرسه، روسیا بوتون یوللاردان ایستیفاده ائد‌جک، بو بلوف دئییل" دئدی.
روسیا لیدئری، قیسمی سفربرلیک فعالیتینه بو گوندن اعتباراً باشلایاجاغینی وورغولادیغی دانیشماسیندا، باتینین، "اگمن، موستقیل قالخینما مرکزلرینی سیخیشدیرماغا و روسیانی یوخ ائتمه‌یه چالیشدیغینی"دئدی. پوتین،
"یالنیز احتیاط‌دا اولان، و داها اؤنجه اوردودا خدمت ائتمیش، معین حربی اوزمانلیقلارا و تجروبه‌یه ماصاحیب وطنداشلار، قیسمی سفربرلیگه جلب اولوناجاقلار. حربی خیدمته چاغیریلانلار، بیرلیکلره گؤندریلمه‌دن اؤنجه موطلق علاوه حربی تعلیم گؤره‌جکلر" دئدی.
