پاکیستان-دا لئیسان یاغیشلار نتیجهسینده اؤلنلرین سایی 1061 نفره چاتیب
پاکیستانین میللی فلاکتلرله موباریزه آژانسینین معلوماتینا گؤره، اؤلکهده سون 24 ساعات عرضینده لئیسان یاغیشلار نتیجهسینده داها 28 نفر اؤلوب، 48 نفر یارالانیب.
پاکیستانین میللی فلاکتلرله موباریزه آژانسینین معلوماتینا گؤره، اؤلکهده سون 24 ساعات عرضینده لئیسان یاغیشلار نتیجهسینده داها 28 نفر اؤلوب، 48 نفر یارالانیب.
بو بارهده "آنادولو" آژانسی خبر وئریر.
بونونلا دا ژوئنین 14-دن اعتباراً پاکیستان-دا داوام ائدن لئیسان یاغیشلار نتیجهسینده حیاتینی ایتیرنلرین سایی 1061 نفره، یارالیلارین سایی ایسه 1575-ا چاتیب.
طبیعی فلاکت نتیجهسینده عمومیلیکده 992 مین 871 ائوه زیان دییب، 727 مین 144 باش حیوان تلف اولوب.
اؤلکهده عمومیلیکده تخمینن 33 میلیون 46 مین نفر لئیسان یاغیشلاردان ضرر چکیب، حاضیردا 498 مین 442 آدام یاردیم مرکزلرینده یاشاییر.
ایقلیم دییشیکلیکلری ناظیری شری رحمان توییتر صحیفهسینده وئردیگی آچیقلامادا پاکیستانین جدی ایقلیم فلاکتی یاشادیغینی و بونون اؤلکهنین سون 10 ایلده قارشیلاشدیغی ان چتین فلاکتلردن بیری اولدوغونو بیلدیریب.
اؤلکه مطبوعاتینین معلوماتینا گؤره، اردونون تشکیل ائتدیگی عملیاتلا خیبر پختونخوا ایالتینین کومرات وادیسینده قالمیش 30 طلبه خلاص ائدیلیب. حاضیردا تخلیه ایشلری داوام ائدیر.
قئید ائدک کی، آذربایجان، تورکیه، بیرلشمیش عرب امیرلیکلری ده داخیل اولماقلا بیر سیرا اؤلکهلر پاکیستانا یاردیم آییریبلار.