عراق-داکی سیاسی لیدئرلر ائرکن سئچکی‌لرین کئچیریلمه‌سی باره‌ده راضیلاشیب‌لار

عراق-داکی سیاسی لیدئرلر اؤلکه‌نین قارشی-قارشییا اولدوغو مؤوجود بحران‌دان چیخماق اوچون "آنایاسا چرچیوه‌سینده ائرکن سئچکی‌لرین کئچیریلمه‌سی" باره‌ده راضیلاشیب‌لار.

1869918
عراق-داکی سیاسی لیدئرلر ائرکن سئچکی‌لرین کئچیریلمه‌سی باره‌ده راضیلاشیب‌لار

عراق-داکی سیاسی لیدئرلر اؤلکه‌نین قارشی-قارشییا اولدوغو مؤوجود بحران‌دان چیخماق اوچون "آنایاسا چرچیوه‌سینده ائرکن سئچکی‌لرین کئچیریلمه‌سی" باره‌ده راضیلاشیب‌لار.

عراق باش ناظیرلیگیندن وئریلن یازی‌لی آچیقلامایا گؤره، پرزیدنت برهم صالح، عالی محکمه شوراسی‌نین صدری فایق زیدان، بیرلشمیش میللت‌لر تشکیلاتی‌نین (بمت) عراق میسیونونون نوماینده‌سی ژانین هنیس پلاسچارت ایله اؤلکه‌دکی شیعه، سنی، کورد، تورکمن و خریستیان ایجماسی‌نین نوماینده‌لری باش ناظیر مصطفی الکاظیمی‌نین رهبرلیگی آلتیندا پایتاخت باغداد-داکی حکومت ساراییندا بیر آرایا گلیب.

اؤلکه‌ده‌کی سیاسی بحرانین موذاکیره ائدیلدیگی توپلانتیدا صدر حرکاتی‌نین نوماینده‌سی ایشتیراک ائتمه‌ییب.

نؤوبدنکنار سئچکی‌لرین یئنی‌دن کئچیریله بیله‌جگی ایله راضی‌لاشان لیدئرلر بو پروسه‌نین آنایاسا چرچیوه‌سینه اویغون اولماسینی ایسته‌ییب‌لر.

ایجلاسدا آنایاسا چرچیوه‌سینده یول خریته‌سی‌نین حاضیرلانماسی مقصدیله میللی دیالوق دانیشیق‌لاری‌نین داوام ائتدیریلمه‌سی قرارا آلینیب.

عراق سیاسی لیدئرلر آیریجا صدر حرکاتینی بو میللی دیالوق گؤروش‌لرینده ایشتیراک ائتمه‌یه چاغیریب‌لار.

خاطیرلاداق کی، عراق-دا ان بؤیوک کوتلوی ایجمایا مالیک شیعه دینی و سیاسی لیدئر مقتدی الصدر اوکتبردا کئچیریلن سئچکی‌لرده غالیب گلسه ده حکومتی قورا بیلمه‌دی، سونرا ایسه اؤز قروپونداکی معاوین لرینی ایستعفا ائتدیره‌رک سیاست‌دن گئتدیگینی آچیقلادی. صدردن سونراکی حکومتی قورماق وظیفه‌سی اونون رقیبی اولان کووردیناسیون  چرچیوه‌سینه کئچمیشدی.

کووردیناسیون چرچیوه‌سی کئچمیش امک و سوسیال ایشلر ناظیری محمد السودانینی باش ناظرلیگه نامیزد کیمی سئچدیگینی اعلان ائتدیک‌دن سونرا صدر طرفدارلاری اعتراض آکسیا‌لارینا باشلاییب.

صدره صادق قروپ‌لار ایکی هفته‌دن چوخ‌دور کی، باغداد-ین یاشیل زوناسیندا پارلامئنت باغچاسیندا اوتوراق آکسیا‌لار کئچیریر. سؤزوگئدن آکسیا‌لارا گؤره مجلیس توپ‌لانا بیلمیر.

صدر آنایاسا، محکمه ایداره ائتمه‌سی و رژیم دییشیک‌لیگی ایله ائرکن سئچکی‌لرین کئچیریلمه‌سینی ایستییر. صدرین رقیبی، ایرانین دستکله‌دیگی شیعه کووردیناسیون چرچیوه‌سی بو طلب‌لره اعتراض ائدیر و بونون پارلامئنت طرفیندن حل ائدیلمه‌لی اولدوغونو بیلدیریر.

شیعه کووردیناسیون چرچیوه‌سی طرفدارلاری "دؤولت و آنایاسانین قورونماسی" سببی ایله یاشیل زونا قاپی‌سیندا اوتوراق آکسیا‌لارینی داوام ائتدیریرلر.

صدر کووردیناسیا چرچیوه‌سی رهبرلری‌نین "ماسایا قاییت" چاغیریش‌لارینا "بیر داها اونلارلا دیالوق ماساسینا اوتورمایاجاغی" سؤزلری ایله جاواب وئرمیشدی.



ایلگیلی‌لی خبرلر