دونتسک بؤلگه‌سینده 3 سیویل هلاک اولوب

روسیانین هوجوم‌لاری نتیجه‌سینده دونتسک بؤلگه‌سینده 3 سیویل هلاک اولوب.

1868146
دونتسک بؤلگه‌سینده 3 سیویل هلاک اولوب

اوکراینانین دونتسک بؤلگه‌سینده روسیانین شدتلی هوجوم‌لاری‌نین داوام ائتدیگی یئرده سون 24 ساعاتدا 3 سیویل  وطنداشین اؤلدوگو، 13 نفرین یارالاندیغی بیلدیریلیب.

" Ukraynskaya Pravda" سایتی‌نین اؤلکه‌نین حربی ویلایت ایداره‌لریندن الده ائتدیگی معلومات‌لارا گؤره، دونن (15 آوقوست 2022) آخشام ساعات‌لاریندا نیکولایو شهرینه ائدیلن هوجوم نتیجه‌سینده شهرده‌کی تحصیل موسسه بینالاریندان‌ بیرینه دییب.

سومی بؤلگه‌سینده ایسه دونن بوتون گون داوام ائدن بومبا‌لی هوجوم‌لار سحر ساعات‌لاریندا یئنی‌دن باشلاییب، گئجه ساعات‌لاریندا روسیانین بلگورود سرحدلریندن خارکوو بؤلگه‌سینه 10-دان چوخ راکت آتیلیب.

دنپروپتروفسک ویلایتینده سینلنیکوفسکی و نیکوپول شهرلری روسیانین گراد راکت‌لری ایله وورولوب، روسیا راکتی اوکراینا اوردوسو طرفیندن ضررسیزلشدیریلیب.

روسیانین دونتسک بؤلگه‌سینی سون 24 ساعات عرضینده شدتلی شکیلده وورماغا داوام ائتدیگی، بهموت، نیکولایفکا، اوگلدار، آودیوکا کیمی بیر چوخ یاشاییش منطقه‌سی‌نین سمرچ، گراد و اس-300 ایله وورولدوغو بیلدیریلیب.

هوجوم‌لار نتیجه‌سینده دونتسک بؤلگه‌سینده 3 سیویل شخص حیاتینی ایتیریب، 13 نفر یارالانیب، 3 منزیل و 28 فردی یاشاییش ائوینه زیان دییب.

روسیا-اوکراینا محاربه‌سی‌نین ان شدت‌لی قارشیدورمالاریندان‌ بیری اولان دونباس جبهه‌سینه یاخین اولان اسلاویانسک شهری ده سحر ساعت لاریندان  روسیا قوه‌لری‌نین ضربه‌لرینه معروض قالیب.

اسلاویانسک-ین موختلیف اراضی‌لرینه دوشن راکت‌لر مکتب‌لره، فردی یاشاییش ائولرینه و دیگر منزیل‌لره زیان ووروب.

دیگر طرف‌دن، اوکراینا اینترنت سایت‌لاریندا یئر آلان خبرلرده 2019-جو ایلده اوکراینا حربی هاوا قوه‌لری‌نین ان یاخشی پیلوتو سئچیلن آنتون لیستوپادین روسیا ایله محاربه‌ده هلاک اولدوغو بیلدیریلیب.

خاطیرلاداق کی، روسیا قوشون‌لاری فوریه‌نین 24-دن اوکراینایا هوجوما کئچیب.



ایلگیلی‌لی خبرلر