رحیم‌الله حقانی بومبالی سالدیریدا حیاتینی ایتیردی
حقانینین باشکند کابل‌دا درس وئردیگی حقانی قروپونا باغلی بیر مدر‌سه‌ده ایکن تشکیل ائدیلن انتحار سالدیریسی نتیجه‌سینده اؤلدوگو ادعا ائدیلدی
افغانیستاندا یؤنتیمی الینده توتان طالبان و ان ائتکیلی بیله‌شه‌نی حقانی قروپونون اؤنده گلن آدلاریندان شیخ رحیم‌الله حقانی بومبالی سالدیریدا حیاتینی ایتیردی.
طالبان گئچیجی حکومتینین سؤزچوسو بلال کریمی اؤز توئیتر حسابیندان حقانینین بومبالی سالدیری نتیجه‌سینده اؤلدورولدوگونو دوغرولادی.
کریمی، حقانینین اؤلدورولمه‌سیندن چوخ کدرلندیکلرینی بیلدیردی.
افغانیستان مئدیاسی ایسه حقانینین باشکند کابل‌دا درس وئردیگی حقانی قروپونا باغلی بیر مدر‌سه‌ده ایکن تشکیل ائدیلن انتحار سالدیریسی نتیجه‌سینده اؤلدوگونو ادعا ائتدی.
ترور هؤرگوتو داعش، سوسیال مئدیا حسابلاریندان ائتدیگی پایلاشیملا، باشکند کابل‌دا شیخ رحیم‌الله حقانییه قارشی حیاتا گئچیریله‌ن انتحار سالدیریسینین مسئولیتینی اۆستلندیگینی آچیقلادی.
۱۹۷۰.جی ایلده جلال الدین حقانی طرفیندن قورولان حقانی قروپو داها سونرا افغانیستانی ایشغال ائد‌ن سووئت اتفاقینا قارشی ساواشمیشدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
