ولودومیر زلنسکی: "دونتسک ویلایتینده جبهه خطینده وضعیت هله ده آغیردیر"

اوکراینا پرزیدنتی ولودومیر زلنسکی فوریه‌نین 24-دن روسیایا قارشی دؤیوشن اؤلکه‌سی‌نین دونتسک ویلایتینده جبهه خطینده وضعیتین هله ده آغیر اولدوغونو بیلدیریب.

1864996
ولودومیر زلنسکی: "دونتسک ویلایتینده جبهه خطینده وضعیت هله ده آغیردیر"

اوکراینا پرزیدنتی ولودومیر زلنسکی فوریه‌نین 24-دن روسیایا قارشی دؤیوشن اؤلکه‌سی‌نین دونتسک ویلایتینده جبهه خطینده وضعیتین هله ده آغیر اولدوغونو بیلدیریب.

ولودومیر زلنسکی "تلگرام" حسابیندا ائتدیگی پای‌لاشیمدا اؤلکه‌سی‌نین دوغو جبهه‌لرینده باش وئرن سون حادثه‌لره توخونا‌راق، خصوصیله دونتسک و خارکوو ایستیقامتینده وضعیتین آغیر اولدوغونو بیلدیریب.

زلنسکی بیان ائدیب کی، اوکراینا اوردوسو "چوخلو حیات" باهاسینا روسیانین بورا‌داکی هوجوم‌لارینی دایاندیرماغا داوام ائدیر.

اوکراینا پرزیدنتی "دونباس-دا وضعیت هله ده چوخ آغیردیر. اوردوموز روسیانین ترورونو دایان‌دیرماق و ایشغالچی‌لارا ان بؤیوک ایتکی وئرمک اوچون الیندن گلنی ائدیر" دئییب.

روسیا قوه‌لری‌نین خارکووا قارشی هوجوم‌لاری آرتیرماق اوچون گوجلندیگینی بیلدیرن زلنسکی بورادا دا شدت‌لی توققوشما‌لارین اولدوغونو بیلدیریب.

ولودومیر زلنسکی اوردونون داها چوخ سلاحا احتیاجی اولدوغونو دا وورغولاییب:

"سلاح تداروکونو آرتیرماق، جبهه‌یه داها گوجلو و اوزاق منزیل‌لی سیستم‌لر گؤندرمک اوچون هر گون و فاصیله‌سیز چالیشیریق. و طرفداش‌لاریمیزدان دستک پاکت‌لری ایله باغلی خوش خبرلر گؤزلییریک. "



ایلگیلی‌لی خبرلر