عراق-دا پارلامئنت بیناسینا باسقین اولوب
عراق-ین پایتاختی باغداددا مقتدی الصدرین طرفدارلاریندان عبارت بیر قروپ اعتراضچی بتون باریئرلری آشاراق پارلامئنت بیناسینا باسقین ائدیب.
عراق-ین پایتاختی باغداددا حکومت بینالارینین یئرلشدیگی یاشیل بؤلگهنین قارشیسینا توپلاشان بیر قروپ صدر حرکاتی عضوو بتون مانعهلری آشاراق پارلامئنت بیناسینا داخیل اولوب.
ایران-ین دستکلهدیگی کووردیناسیون چرچیوهسینین باش ناظیر نامیزدی السودانییه اعتراض ائدن صدر طرفدارلاری یاشیل زونانین اؤنونده توپلاشیب. اونلار اطرافداکی بتون باریئرلری آشماغا چالیشارکن تهلوکهسیزلیک قوهلرینین موداخیلهسی ایله قارشیلاشیب. داها سونرا ایسه بیر قروپ بتون مانعهلری قیراراق اراضیدهکی پارلامئنت بیناسینا باسقین ائدیب.
عراق-ین باش ناظیری مصطفی الکاظیمی نوماییشچیلره سسلنهرک "دؤولت و اؤزل مولکیته ضرر وئرمهمگی و یاشیل زونادان درحال گئری چکیلمهیی" طلب ائدیب.
بو آرادا بیرلشمیش میللتلر تشکیلاتی (بمت) عراق-لی اعتراض چیلاری موختلیف اولوسلار آراسی نورمالارا اویغون اولاراق اؤلکهلرینین قوروملارینا حؤرمت ائتمهیه چاغیریب.
بمت باش کاتیبینین سؤزچوسو فرحان حق بمت-نین نیویورکداکی منزیل-قرارگاهیندا کئچیریلن مطبوعات کنفرانسیندا عراق-دا صدر حرکاتینین یوزلرله طرفدارینین پایتاخت باغداددا پارلامئنت بیناسینا باسقین ائدهرک السودانینین نامیزدلیگینه اعتراض ائتمهلرینی دیرلندیریب.
حاق:" بیز هر کسی موختلیف اولوسلار آراسی نورما و کنوانسیون لاردا قئید اولونان بو قرارگاهین مقدسلیگینه حؤرمت ائتمهیه دعوت ائدیریک". دئدی.
قئید ائدک کی، اوکتبرین 10-دا کئچیریلن فوق العاده پارلامئنت سئچکیلریندن سونرا عراق-دا سیاسی قوهلر آراسینداکی فیکیر آیریلیغی سببیندن یئنی حکومت قورولماییب و جولایین 25-ده شیعه کوالیسیونو 8 آیدان آرتیقدیر داوام ائدن بحرانا سون قویماق اوچون یئنی آددیم کیمی 52 یاشلی السودانینی نامیزد گؤستریب.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب