عراقدا ۲، سوریهده ۲۵ تروریست ضررسیزلشدیریلدی
میللی ساوونما باخانلیغی: شهیدلریمیزین قانی یئرده قالمادی، قالمیر، قالمایاجاق!
عراقین قوزئیینده بؤلوجو ترور هؤرگوتو پکاکا عضوو ۲ تروریست ضررسیزلشدیریلدی.
میللی ساوونما باخانلیغیندان وئریلن آچیقلامادا،
"ان سون تروریست ائتکیسیز حالا گتیریلنه قدر موباریزه، موباریزه، موباریزه. عراقین قوزئییندهکی پنچه-شیمشک بؤلگهسینده یئری معین ائدیلن ۲ پکاکا تروریستی آتیش دستک آراجلاریمیزلا ائتکیسیز حالا گتیریلدی. ترورلا موباریزهمیز عزمله داوام ائدجک" ایفادهلری ایشلهدیلدی.
تۆرک سلاحلی گۆجلرینین سوریهنین قوزئیینده حیاتا گئچیردیگی "فرات قالخانی" و "باریش بولاغی" عملیاتلاری بؤلگهلرینده پکاکا/یپگ عضوو ۲۵ تروریست اؤنلهمه و جزالاندیرما آتیشی ایله ضررسیزلشدیریلمیشدی.
باخانلیغین سوسیال مئدیا حسابیندان یاییملان آچیقلامادا،
"شهیدلریمیزین قانی یئرده قالمادی، قالمیر، قالمایاجاق! قهرمان کماندولاریمیز، فرات قالخانی و باریش بولاغی بؤلگهلریندهکی ۲۵ پکاکا/یپگلی تروریستی اؤنلم و جزالاندیرما آتیشلارییلا ائتکیسیز حالا گتیردی. تروریستلری قازدیقلاری خندکلره باسدیرماغا داوام ائدجییک" ایفادهلری ایشلهدیلمیشدی.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب