اردوغان ایران‌دا

جمهورباشقانی رجب طیب اردوغان، رسمی گؤروشمه‌لر اوچون ایراندا.

دونن آخشام ساعاتلاریندا تهرانا گئدن جمهورباشقانی اردوغان اوچون رسمی قارشیلاما مراسیمی تشکیل ائدیلدی.

داها سونرا اردوغان ایران جمهورباشقانی ابراهیم رئیسی ایله گؤروشدو.

سعدآباد ساراییندا مطبوعاتا قاپالی گئچیریله‌ن گؤروشمه‌یه ایکی اؤلکه‌نین هیئتلری ده ایشتیراک ائتدی.

اردوغان و ایران‌لی قونومداشی رئیسی، تورکیه-ایران یوکسک سویه‌لی امکداشلیق شوراسینین ۷.جی توپلانتیسینا باشقانلیق ائد‌جک.

باخانلارین ایشتیراکی ایله گئچیریله‌جک شورا توپلانتیسین‌دا تورکیه-ایران ایلیشکیلری بوتون یؤنلری ایله گؤزدن گئچیریله‌جک، ایکیلی امکداشلیغین گلیشدیریلمه‌سی اوچون آتیلاجاق آددیملار مذاکیره اولوناجاق.

گؤروشمه‌لرده سوریه باشدا اولماقلا بؤلگه‌سل و کۆره‌سل پروبلئملر حاقیندا دا فیکیر آلیش وئریشیی ائدیله‌جک.

اردوغان داها سونرا روسیا دؤولت باشقانی ولادیمیر پوتینین ایشتیراکی ایله ایران جمهورباشقانینین ائو صاحب‌لیگینده تهران‌دا گئچیریله‌جک آستانا فورمتین‌ده یئددینجی اوچلو ذیروه توپلانتیسینا قاتیلاجاق.

جمهورباشقانی آیریجا روسیا لیدئری ایله ایکیلی گؤروشمه ده گئرچکلشدیره‌جک.