زلنسکی، اسیر دۆشن ۱۴۴ عسگری قورتاردیقلارینی بیلدیردی
"اوکراینالی ۱۴۴ عسگری، روس اسیرلیگیندن قورتاردیق. بونلارین آراسیندا ۵۹ اولوسال محافظ، ۳۰ دنیز گوجلری، ۲۸ اوردو، ۱۷ سرحدچی، ۹ آنتیترور عسگری و ۱ پلیس وار"
اوکراینا دؤولت باشقانی ولودیمیر زلنسکی، روسیا طرفیندن اسیر توتولان ۱۴۴ عسگری قورتاردیقلارینی بیلدیردی.
زلنسکی، ویدئو مئساز یولو ایله وئردیگی آچیقلامادا، "مثبت و اؤنملی بیر خبر" وئرمک ایستهدیگینی دیله گتیررک،
"اوکراینالی ۱۴۴ عسگری، روس اسیرلیگیندن قورتاردیق. بونلارین آراسیندا ۵۹ اولوسال محافظ، ۳۰ دنیز گوجلری، ۲۸ اوردو، ۱۷ سرحدچی، ۹ آنتیترور عسگری و ۱ پلیس وار" دئدی.
قورتاریلان عسگرلرین ان یاشلیسینین ۶۵، ان کیچیگینین ایسه ۱۹ یاشیندا اولدوغونو قید ائدن اوکراینا لیدئری:
"اؤزللیکله ۹۵ آزووستال مدافعهچیسی ائولرینه قاییدیر. هر بیر اوکراینالینی اؤز ائوینه گتیرمک اوچون هر شئیی ائدجییک" دئدی.
اوکراینا ساوونما باخانلیغی استخبارات بیریمی، دونن، ساواشین باشلادیغی ۲۴ فوریهدن بری روسیا ایله اوکراینا آراسیندا ان بؤیوک موبادیله ایشینین ائدیلدیگینی، ۹۵ نفری آزووتسال فابریکاسینداکی عسگرلر اولماق اوزره، اوکراینالی ۱۴۴ عسگری گئری آلدیقلارینی آچیقلادی.