زلنسکی: تاریخی بیر هفته‌یه باشلاییریق
"آوروپابیرلیگیدن اوکراینانین نامیزدلیک ایستاتوسو ایله باغلی گله‌جک خبرلرله حقیقتاً تاریخی بیر هفته‌یه باشلاییریق"
اوکراینا درولت باشقانی ولودیمیر زلنسکی، آوروپابیرلیگیندن، اؤلکه‌سینین نامیزدلیک ایستاتوسو ایله باغلی گله‌جک خبرلرله تاریخی بیر هفته‌یه باشلادیقلارینی، بونا گؤره ده اؤزللیکله بو هفته روسیا دوشمنجه فعالیتلرینده آرتیش گؤزله‌دیکلرینی بیلدیردی.
زلنسکی، گئجه یایینلادیغی ویدئودا،
"آوروپابیرلیگیدن اوکراینانین نامیزدلیک ایستاتوسو ایله باغلی گله‌جک خبرلرله حقیقتاً تاریخی بیر هفته‌یه باشلاییریق" دئدی.
بو مؤوضوع ایله باغلی آوروپابیرلیگی کمیسیونوندان مثبت بیر نتیجه آلدیقلارینی بیلدیره‌ن زلنسکی،
"۱۹۹۱د‌ن بری اوکراینا اوچون ایندی گؤزله‌دیگیمیز قدر چوخ آز اؤنملی قرارین آلیندیغنی هر کس بیلیر. آرخایینام کی، یالنیز مثبت قرار بوتون آوروپانین چیخارینا اولاجاق" دئدی.
زلنسکی آیریجا، اوکراینانین آوروپابیرلیگینه نامیزدلیک ایستاتوسو ایله باغلی قرارین وئریله‌جگی بو هفته روسیادان اؤلکه‌سینه قارشی دوشمنجه فعالیتلرین آرتماسینی گؤزله‌دیکلرینه ده ایشاره ائتدی.
"و تکجه اوکراینایا دئییل، باشقا آوروپا اؤلکه‌لرینه ده قارشی. حاضیرلانیریق و حاضیریق. اورتاقلاریمیزی اویاریریق" ایفاده‌لرینی ایشلتدی.
آوروپا کمیسیونو ۱۷ ژوئنده، اوکراینایا "نامیزد اؤلکه" ایستاتوسو وئریلمه‌سی ایله باغلی دۆشونجه بیلدیرمیشدی.
آوروپا کمیسیونونون دۆشونجه‌سی، ۲۳-۲۴ ژوئنده گئچیریله‌جک آوروپابیرلیگی لیدئرلر ذیروه‌سینده نامزد اؤلکه‌لرینین اولوشدوردوغو آوروپا کمیسیونونا سونولاجاق.
