اوکراینا، روسیا اوردوسونون ایتکیلرینی آچیقلادی

اوکراینا باش قرارگاهین‌دان وئریله‌ن آچیقلامادا، ۲۴ فوریه-۱۰ ژوئن تاریخلری آراسیندا روسیا اوردوسونون ساواشداکی ایتکیلری ایله باغلی بیلگیلرین یئنیلندیگی بیلدیریلدی

1841238
اوکراینا، روسیا اوردوسونون ایتکیلرینی آچیقلادی

اوکراینا، ۲۴ فوریه‌دن بری داوام ائد‌ن ساواشدا حیاتینی ایتیره‌ن روس عسگرلرینین ساییسینین ۳۲ مینه یاخینلاشدیغینی آچیقلادی.

اوکراینا باش قرارگاهین‌دان وئریله‌ن آچیقلامادا، ۲۴ فوریه-۱۰ ژوئن تاریخلری آراسیندا روسیا اوردوسونون ساواشداکی ایتکیلری ایله باغلی بیلگیلرین یئنیلندیگی بیلدیریلدی.

بونا گؤره، اوکراینا تورپاقلاریندا ۳۱ مین ۹۰۰ روس عسگری اؤلدورولدو.

بوندان علاوه، ۲۱۲ اوچاق، ۱۷۸ هلیکوپتر، ۱۴۰۹ تانک، ۳ مین ۴۵۰ زره‌‌لی ماشین، ۷۱۲ توپ، ۱۲۵ موشک، ۲۲۲ راکت آتار و ۹۷ هاوا ساوونما سیستمی یوخ ائدیلدی.

روس گوجلری، ۲۴۳۸ ماشین، ۱۳ گمی و یونگول سرعتلی قاییق و ۵۷۲ اینسانسیز هاوا آراجینی دا ایتیردی.

اوکراینا سلاحلی گوجلری، سون ۲۴ ساعاتدا اؤلکه‌نین گونئیینده‌کی جبهه‌ده ۳۳ ایشغالچی عسگر ایله بیرلیکده گراد راکت آتار سیستمی، ۸ اینسانسیز هاوا آراجی و ۳ دوشمن مهماتخاناسینی یوخ ائتدی.

روسیا ساوونما باخانلیغی، ۲۵ مارسدا وئردیگی آچیقلامادا، اوکراینادا ۱۳۵۱ روس عسگرینین اؤلدوگونو آچیقلامیشدی.



ایلگیلی‌لی خبرلر