زلنسکی، جبههدهکی عسگرلرله گؤروشدو
"بؤیوک چالیشمالارینیز، خیدمتلرینیزه، هامیمیزی و دؤولتیمیزی قورودوغونوز اوچون سیزه تشکور ائتمک ایستهییرم"

اوکراینا دؤولت باشقانی ولودیمیر زلنسکی اوکراینانین خارکوودان سونرا زاپوریژیا شهرینه گئدرک جبههدهکی حربچیلرله گؤروشدو.
زلنسکی یازیلی آچیقلاماسیندا، زاپوریژیادا جبههدهکی عسگرلرله گؤروشدوگونو بیلدیررک، "بؤیوک چالیشمالارینیز، خیدمتلرینیزه، هامیمیزی و دؤولتیمیزی قورودوغونوز اوچون سیزه تشکور ائتمک ایستهییرم" دئدی.
روسیانین سالدیریلاریندا حیاتینی ایتیرهن اوکراینالی عسگرلرین خاطرهسینی بیر دقیقهلیک سوکوتلا یاد ائتدیگینی بیلدیرهن زلنسکی، بؤلگهدهکی بیر طبی تاسیسه ده گئتدی.
روسیا محاصرهسیندن سونرا ماریوپولدان تخلیه ائدیلهن وطنداشلارلا گؤروشهن زلنسکی، یئریندن ائدیلمیشلرین اویغون شکیلده یئنیدن یئرلشدیریلمهسی اوچون تدبیرلر گؤرمه سؤزو وئررک،
"بو پروبلئمی حل ائتمهنیزه حقیقتاً کؤمک ائدهجییک" دئدی.
اوکراینا لیدئری ۲۹ میده روسیا اوردوسونون سالدیریلاریندان ان چوخ تأثیرلنهن اوکراینانین خارکوو شهرینه گئتمیش، روسیا اوردوسونون اوکراینایا سالدیریلاری باشلادیغی ۲۴ فوریهدن بری ایلک کز کیئو بؤلگهسی دیشیندا گؤرولموشدو.