روسیا اوردوسونون اوکراینا‌داکی عملیات‌لاری

روسیا ساوونما ناظیرلیگی‌نین مطبوعات کاتیبی ایگور کوناشنکوو آچیقلاماسیندا روسیا اوردوسونون اوکراینا‌داکی عملیات‌لاری باره‌ده معلومات وئریب.

1838599
روسیا اوردوسونون اوکراینا‌داکی عملیات‌لاری

روسیا ساوونما ناظیرلیگی‌نین مطبوعات کاتیبی ایگور کوناشنکوو بیلدیریب کی، فوریه‌نین 24-ده باشلایان محاربه‌ده ایندییه‌دک اوکراینایا مخصوص 190 اوچاق، 129 هلیکوپتر، 3424 تانک و زره لی آراج محو ائدیلیب.

کوناشنکوو آچیقلاماسیندا روسیا اوردوسونون اوکراینا‌داکی عملیات‌لاری باره‌ده معلومات وئریب.

روسیا هاوا قوه‌لری‌نین خارکوو ویلایتی‌نین لوزووایا قصبه‌سی اطرافیندا اوکراینا اوردوسونون زره‌لی تجهیزاتینی تعمیر ائتدیگی تاسیس لری هاوا‌دان آتیلان اوزاق منزیل‌لی یوکسک دقیق‌لیک‌لی راکت‌لرله ووردوغونا دقت چکن کوناشنکوو همچنین 4 قوموتا مرکزی و 15 حربی بؤلگه‌نین محو ائدیلدیگینی بیلدیریب.

روسیا هاوا دؤیوش تاکتیکی بیرلیک‌لری‌نین 73 حربی بؤلگه‌نی آتشه توتدوغونو و بو هوجوم‌لار نتیجه‌سینده 150-دن چوخ اوکراینا میللتچی قوه‌سی‌نین ضررسیزلشدیریلدیگینی بیلدیرن کوناشنکوو امریکا اوره تیمی اولان AN/TPQ-50  رادار سیستمی‌نین ده وورولدوغونو قئید ائدیب.

کوناشنکوو اوکراینا حربی هاوا قوه‌لرینه مخصوص میگ-29 قیریجی‌سی‌نین هاوا هوجوموندان ساوونما سیستم‌لری ایله دونتسک ویلایتی‌نین سلاویانسک قصبه‌سی یاخینلیغیندا وورولدوغونو، اوکراینایا مخصوص 13 پیلوت‌سوز اوچوش آپاراتی‌نین ایسه خارکوو، لوگانسک و دونتسک بؤلگه‌لرینده محو ائدیلدیگینی بیلدیریب.

راکت و توپخانا بیرلشمه‌لری‌نین 431 حربی بؤلگه‌نی آتشه توتدوغونو قئید ائدن کوناشنکوو بو هوجوم‌لاردا 300-دن چوخ اوکراینا میللتچی قوه‌سی‌نین ضررسیزلشدیریلدیگینی قئید ائدیب.

کوناشنکوو "بو گونه قدر اوکراینایا مخصوص 190 اوچاق، 129 هلیکوپتر، 1127 پیلوت‌سوز اوچوش آپاراتی، 330 هاوا هوجومون‌دان ساوونما راکت سیستمی، 3424 تانک و زره‌لی تکنیکا، 473 هاوا‌دان ساوونما سیستمی، 1795 توپ و خمپاره آتان، 3446 خصوصی حربی آراج محو ائدیلیب" ایفاده‌لرین‌دن ایستیفاده ائدیب.



ایلگیلی‌لی خبرلر