زلنسکی: تورپاقلاریمیزین یوزده ۲۰سی ایشغالچیلارین کنترلوندادیر
"اگر بو ساواشدا بیز غالیب گلسهک آوروپالیلار اؤز اؤزگورلوکلرینی یاشاماغا داوام ائدجک"
اوکراینا دؤولت باشقانی ولودیمیر زلنسکی اؤلکهسینین یوزده ۲۰سینین روس ایشغالچیلارینین کنترلوندا اولدوغونو سؤیلهدی.
ولودیمیر زلنسکی، لوکزامبورگ پارلمانینا ویدئوکنفرانس یولو ایله باغلاناراق دانیشدی.
روسیا اوردوسونون ۲۴ فوریهده اوکراینایا سالدیریسیندان بو یانا ۳۶۲۰ یاشاییش یئرینه گیردیگینی بیلدیرهن زلنسکی، بونلارین ۱۰۱۷سینین قورتاریلدیغینی بیلدیردی.
زلنسکی،
"بو گون تورپاقلاریمیزین یوزده ۲۰سی ایشغالچیلارین کنترلوندادیر. بو دا تخمیناً ۱۲۵ مین مربع کیلومتره برابردیر" دئدی.
اوکراینادا ۳۰۰ مین مربع کیلومترلیک اراضینین مینلر و پارتلامامیش بومبالارلا دولو اولدوغونو قید ائدن زلنسکی، ۱۲ میلیون اوکراینالینین اؤلکه ایچینده یئریندن ائدیلدیگینی، چوخو قادین و اوشاق ۵ میلیوندان چوخ اینسانین اؤلکه دیشینا گئتدیگینی بیلدیردی.
اوکراینا لیدئری، بو ساواشدا روسیا اۆستون گلمهسی حالیندا آوروپاداکی هامی اوچون قارانلیق زامانلارین باشلایاجاغینی دیله گتیررک،
"اگر بو ساواشدا بیز غالیب گلسهک آوروپالیلار اؤز اؤزگورلوکلرینی یاشاماغا داوام ائدجک" دئدی.
ساواشین باشیندان بو یانا گئچن ۹۹ گونده "اون مینلرجه اینسانین" حیاتینی ایتیردیگینی ایفاده ائدن زلنسکی، بو سببله ساواشی بیتیرمک اوچون بوتون دونیانین دستگیینی ایستهدیکلرینی قید ائتدی.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب