ایران‌دا پلیس اعتراضچیلارا سرت موداخیله ائتدی

اعتراضا موداخیله ائد‌ن گوونلیک گوجلرینین گؤزیاشاردیجی گاز قوللاندیغی و سلاحلا آتیش ائتدیگی گؤرونتولره یانسیدی

1835232
ایران‌دا پلیس اعتراضچیلارا سرت موداخیله ائتدی

ایرانین خوزیستان ایالتینین آبادان شهرین‌ده ۱۰ قاتلی ایش مرکزینین اوچماسی سببی ایله گئچیریله‌ن گؤستریلره پلیس سرت موداخیله ائتدی.

سوسیال مئدیادا پایلاشیلان گؤرونتولره گؤره، دۆنن گئجه آبادان شهرین‌ده یوزلرجه اینسان، ۱۰ مرتبه‌لی بینانین اوچماسی سببی ایله مسئوللارا تپکی گؤستردی.

گؤرونتولرده گؤستریچیلرین حکومت، اؤلکه یؤنتیمی و بینانین مقاطعه‌چیسینه قارشی شعارلار سسلندیردیگی و گوونلیک گۆجلری ایله اعتراضچیلار آراسیندا قارشیدورما یاشاندیغی گؤرولدو.

اعتراضا موداخیله ائد‌ن گوونلیک گوجلرینین گؤزیاشاردیجی گاز قوللاندیغی و سلاحلا آتیش ائتدیگی گؤرونتولره یانسیدی.

دیگر طرفدن، آبادانلا عینی واختدا بوشهرده و باشکند تهرانین بعضی یئرلرین‌ده ده اعتراض گؤستریلری تشکیل ائدیلدی.

تخمیناً بیر هفته‌دیر داوام ائد‌ن گؤستریلرده نئچه نفرین یارالاندیغی ایله باغلی هله‌لیک رسمی آچیقلاما وئریلمه‌دی.

آبادان‌دا تیکیلمک‌ده اولان ۱۰ مرتبه‌لی متروپول ایش مرکزی ۲۳ میده چؤکموشدو.

آبادان والیسی احسان عباسپور دونه‌ن چؤکه‌ن بینادا اؤلنلرین ساییسینین ۳۳ نفره چاتدیغینی آچیقلامیشدی.

ییخینتی آلتیندا آختارما قورتارما ایشلرینین داوام ائتدیگی بیلدیریلیر.

حادثه‌دن سونرا باشلادیلان سوروشدورما چرچیوه‌سینده آبادان بلدیه باشقانی حسین حمیدپور ایله اؤنجه‌کی ایکی بلدیه باشقانی دا داخیل اولماقلا ۱۳ نفرین گؤز آلتینا آلیندیغی آچیقلانمیشدی.



ایلگیلی‌لی خبرلر