آبادان‌دا چؤکن بینادا اؤلنلرین ساییسی آرتدی

"ییخینتی آلتیندان داها ایکی جسد تاپیلدی. اؤلنلرین ساییسی ۳۱ نفره چاتدی"

1834669
آبادان‌دا چؤکن بینادا اؤلنلرین ساییسی آرتدی

ایرانین خوزیستان ایالتینین آبادان شهرین‌ده ۲۳ می‌ده ۱۰ قاتلی بینانین اوچماسی نتیجه‌سینده حیاتینی ایتیره‌نلرین ساییسی ۳۱ نفره یوکسلدی.

ایران دؤولت تلویزیونونون وئردیگی بیلگیلره گؤره، خوزیستانین والیسی صادق خلیلیان آبادان شهرینده ییخیلان ۱۰ قاتلی ایش مرکزی ایله باغلی سون بیلگیلری پایلاشدی.

خلیلیان،

"ییخینتی آلتیندان داها ایکی جسد تاپیلدی. اؤلنلرین ساییسی ۳۱ نفره چاتدی" دئدی.

خوزیستان قیزیل آی تشکیلاتی باشقانی وحید شعبانی ایسه، ییخینتی آلتیندا آختارما قورتارما ایشلرینین داوام ائتدیگینی بیلدیردی.

آبادان‌دا تیکینتیسی داوام ائد‌ن ۱۰ مرتبه‌لی متروپول ایش مرکزی ۲۳ می‌ده گون اورتا ساعاتلارین‌دا چؤکموشدو.

حادثه‌دن سونرا باشلادیلان سوروشدورما چرچیوه‌سینده آبادان بلدیه باشقانی حسین حمیدپور ایله اؤنجه‌کی ایکی بلدیه باشقانی دا داخیل اولماقلا ۱۳ نفرین گؤز آلتینا آلیندیغی آچیقلانمیشدی.

خوزیستان قیزیل آی تشکیلاتینین باشقانی شعبان، آختارما قورتارما ایشلری چرچیوه‌سینده ۴۸ نفرین ییخینتیلار آلتیندان ساغ چیخاریلدیغینی بیلدیرمیشدی.



ایلگیلی‌لی خبرلر